1 Rapajko 9:8 - সান্তালী বাইবেল

⁸ Niạ mundil do ńitokʼ maraṅ utạrakʼ hoyakanre hõ unre ona aṛete okoeko parom calakʼ onko do unreko comkao godokʼa ar cigạrikateko mena, ‘Probhu Isor do cedakʼ niạ disạm ar niạ mundil doe nonka ocokeda?’

1 Rapajko 9:8 Referans Kwoze

2 Bõsbudạ 7:21

Niạ koejoṅ oṛakʼ do ńitokʼ nunạkʼ maraṅakʼ hoyakanre hõ unre okoe noa aṛeteko parom senokʼ onko do comkao godokʼteko kuliya, ‘Probhu Isor do cedakʼ niạ disạm ar niạ koejoṅ oṛakʼ cetanreye onkakeda?”

Jirimiạ 22:28

Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 19:8

Niạ nagraha doń jarkhara ar landa-dhutʼakʼgeń hoeocoya; ar okoe ona aṛeteko parom calakʼ onko do ona reakʼ duk ńelte botor caṛhaoakoa arko land-dhutʼakʼa.

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Jirimiạ 50:13

Probhu Isorakʼ edre iạte okoehõ onare do bako girobasokʼa, ona do ujạṛ utạrakʼ ṭhạ̃ige hoyokʼa. Ar Babel aṛete okoeko parom calakʼ onko jotogeko torasokʼa ar uniyakʼ sanam duk iạteko landa-dhutʼaea.

Jirimiạ 49:17

“Edom reakʼ dosa ńelte hoṛko torasokʼa; ar okoe ona aṛeteko parom calakʼ onko do botor caṛhaoakoa ar uniyakʼ sanam ghạl iạte uniko landa-dhutʼaea.

Jesaea 64:11

Aleren hapṛamko okare amko sarhaoetʼme tahẽkan aleakʼ ona sonot ar ṭhonokanakʼ koejoṅ oṛakʼ do seṅgelte ḍahao marao akana ar amem kusiyakʼkan tahẽkanakʼko do jarkhar akana.

Dosar Biboron 28:37

Probhu Isor okoe jạtrenko talareye chirchạturpe onko do apeakʼ ona ńelte botorteko keklesedokʼa, ar ape do landa-dhutʼ ar cigạri baragpe hoyokʼa.

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

Jirimiạ 5:19

Tinre hoṛko kulimea, ‘aboren Probhu Isor do abore cedakʼ nonkae kạmikeda?’ Unre onkom metakoa, ‘cetʼleka iń bạgikate apeakʼ disạmre debotakope sewawako kan onkage okaṭakʼ disạm apeakʼ baṅkan ona disạmre senkate ńit ape do bidisiạkope sapʼsorakoa.’ ”

Jirimiạ 16:10

“Noko hoṛko niạko katham jạhirako tayom tinre amko kulimea, ‘Cetʼ iạte Probhu Isor do ale upạrte nonkan muhin reakʼ kathae roṛeda? Ar aleakʼ ghạṭ do cetʼ kantalea? Aboren Probhu Isor upạrte ale do cetʼle kại akada?’

Jirimiạ 18:16

Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

2 Bõsbudạ 29:8

Onate Jihudạ ar Jerusalem cetanre Probhu Isorakʼ edre do pheḍ hecʼakana. Ape do apnarakʼ mẽtʼtegepe ńeleda onko cetanre botoranakʼ ar jarkharakʼe hoyocoakada; onko ńelte hoṛko do ṭiṭkạri kathako roṛeda.

Rak̕joṅ 2:15

Am aṛeteko parom calakʼ hoṛ do am ńelteko thayoya; onko do Jerusalem hoponera ńelteko landa dhudhutʼa ar bohokʼ ruku rukuteko mena, “Noa do cetʼ ona mońj utạrakʼ nagraha do baṅkana, one uni iạte goṭa dhạrtirenko rạskạkʼkan tahẽkan?”