1 Rapajko 9:4 - সান্তালী বাইবেল

⁴ “Ar amren ạpum Dạud leka khạṭi ontorte, dhoromte iń samaṅrem taṛam ar ińakʼ sanam hukum ar ạn-ạrikom batao,

1 Rapajko 9:4 Referans Kwoze

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

1 Rapajko 3:14

Amren ạpum Dạud leka ińakʼ sanam niạm ar hukumkom manao idi ar ińakʼ hortem taṛam enḍekhan ḍher diniń bahao ocomea.”

1 Rapajko 11:6

Ar Solomon do Probhu Isorakʼ mẽtʼre okaṭakʼ bạṛicʼakʼkan onageye kạmikeda. Uniren apat Dạud cetʼleka Probhu Isore botoraekan tahẽkan onka do bae kạmikan tahẽkana.

1 Rapajko 11:4

Solomonakʼ haṛam umerre uniren erako do debotako secʼ uniyakʼ monko ạwilketʼtaea. Onate acʼren apat Dạud leka uniyakʼ ontor do Probhu Isor secʼ purạte do baṅ tahẽkantaea.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Sakariạ 3:7

“Phạdkoren Probhu Isor do ame metamkana, ‘am do ińakʼ hortem senlen khan arem sapʼsorạń khan tobe do ińakʼ oṛakʼ reakʼ jotowakʼem ạyura ar ińakʼ khạrại ńel todarot reakʼ bharem ńama, ar okoe nonḍeko teṅgo akan onko leka iń samaṅre hijukʼ reakʼ ạidạriń emama.

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Sereńko 26:11

Mekhan iń do sạbit colonreń taṛameda; onkoakʼ ti khon chaḍaoińme, ar dayawạńme baṛe.

1 Rapajko 14:8

Ar Dạudakʼ bõs khon rajosṭi recʼ hataokate amiń ematʼme tahẽkana, menkhan ińren guti Dạud leka do bam hoylena. Dạud do ińakʼ hukumkoe bataoetʼ tahẽkana ar mon-ontorte ińre pạtiạre tahẽkana. Ińakʼ mẽtʼre okaṭakʼ bhageakʼ kan eken onageye kạmiyetʼ tahẽkana.

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

Sereńko 26:1

E Probhu Isor, dhorom horre minạń ona baṛe udukʼ akome, ente iń do sạbit colonreń taṛameda; ar Probhu Isorregeń bhorsakʼ kana.

Sereńko 15:2

Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

1 Rapajko 8:25

“Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda uniren hoponko uni leka jotowakʼ kạmire amakʼ sana lekako calakʼ enḍekhan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

Dosar Biboron 28:1

“Aperen Probhu Isorakʼ purạ batao akaepe tahen ar teheń okań hukumapekan ona joton salakʼpe dohoy, enḍekhan dhạrtiren eṭakʼ jạtrenko khon ape doe usulpea:

Kạhtukko 20:7

Isor botorae hoṛ do dhoromreye taṛameda; bhạgangeako uniren bõsko do!

Kạhtukko 10:9

Okoe dhoromteye calakʼkan uni do khạtirjomae dãṛãnkana, menkhan okoe peṛta horteye calakʼ uni doe sapʼ ocokʼa.

Genesis 20:5

Uni maejiu ma acʼgeye menakawạdińa, acʼ do uni hoṛren miserat kanae, ar uni hoṛ do acʼren dadattetʼ kanae. Onate iń do sojhe hudiste noań kạmiakada; ona chaḍa ińakʼ colonre jãhãn dosge baṅ tahẽkana.”

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

1 Rapajko 6:12

“Ińakʼ katha lekam senokʼ, ar ińakʼ niạmkom pańjae ar ińakʼ sanam hukumko taberem tahen enḍekhan okaṭakʼ mundilem benaoetʼkan ona reaṅ amren ạpum ṭhen okań gokʼletʼ ona do am hoteteń purạua.

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Sereńko 78:72

Uni do acʼakʼ ontor reakʼ dhoromtetʼ lekageye gupiketʼkoa; Ar gạkhuṛ titeye ạyur idiketʼkoa.

Sereńko 101:2

Sạbit jion khemao lạgitʼ iń moneyakʼa; Am do iń ṭhen tisem hijukʼa? Iń do sạbit monte ińakʼ oṛakʼreń tahena.

Sereńko 128:1

Bhạgangeako onko do, okoe do Probhu Isorko botorae kan ar uniyakʼ horteko calakʼkan.

2 Samuel 22:22

Ente Probhu Isorakʼ horrege iń doń dãṛãn kana; ar bạṛicʼakʼ kạmikate ińren Isor khon bạń ocokʼ akana.

Jeheskel 18:9

ar ińakʼ niạm lekateye calakʼkan ar pạtiạr salakʼ ińakʼ ạn-ạrikoe palonetʼkan, enḍekhan uni hoṛ do sạrigeye dhoromgea; ar khạṭigeye bańcaokʼa. Iń Probhu Isorge noa katha doń meneda.