1 Rapajko 9:3 - সান্তালী বাইবেল

³ Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

1 Rapajko 9:3 Referans Kwoze

1 Johan 5:14

Isorre aboakʼ khạṭitetʼ do noage, uniyakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

1 Rapajko 8:29

Ar okaṭakʼ jaega reakʼem menakatʼ, ‘niạ ṭhạ̃i do ińakʼ tahen oṛakʼ hoyokʼa,’ ona ṭhạ̃i secʼ, metakʼme niạ koejoṅ oṛakʼ secʼ amakʼ mẽtʼ siń ńindạ beṅgetʼ akae baṛe tahenma; ar niạ ṭhạ̃i secʼ samaṅkate amren guti tinreye koejoṅa unre uniyakʼ koejoṅ baṛe ańjomtaeme.

Sereńko 116:1

Iń do Probhu Isorgeń dulạṛ edekana, ente uni do ińakʼ nehõre ańjom akatʼtińạ.

Dosar Biboron 11:12

Ona disạm do Probhu Isorgeye ńel todarotetʼ kana. Bochor reakʼ ehopʼ khon mucạtʼ hạbicʼ uniyakʼ mẽtʼãhã do jao ghuṛi ona disạm cetanre menakʼtaea.

2 Bõsbudạ 6:40

“E ińren Isor, niạ jaegare okako koejoṅ hoyokʼ ona secʼ jemon ńitokʼ amakʼ mẽtʼ ar lutur jhicʼge baṛe tahenma.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Daniel 9:23

Am do koejoṅem ehopʼletʼrege Isor doe roṛ ruạṛe em akatʼmea, ar ona baḍae ocome lạgitʼgeń hecʼakana, ente uni do ạḍiye dulạṛetʼmea. Ona iạte ona katha moneyakʼme ar dorson baṛe bujhạu joṅme.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Numeri 16:38

Kại gunạkʼte tinạkʼ hoṛko gocʼen dhup dạniko do onko hoṛkoakʼ kangea. Menkhan Probhu Isor samaṅre hạjirletʼ iạte onako do uni ńutumte begar dohoakana. Onate am do onakom kuṭạm capṛa ocoya ar pinḍrem bạisạukakʼa. Jemon Israelko ṭhen mitʼṭecʼ cinhạ leka tahen.”

Johan 11:42

Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kol akadińạ mente, ar onatege noa katha doń menkeda.

Sereńko 66:19

Menkhan Isore ańjomakatʼtiń onare jãhãn bhul do bạnukʼ anaṅ; uni do ińakʼ koejoṅe lutur akawada.

Dosar Biboron 12:21

Aperen Probhu Isor do apnar sodorokʼ lạgitʼ okaṭakʼ ṭhạ̃iye bachao joṅ ar ape khon ona ḍherge sạṅgińokʼ khan, tobe iń emakʼ hukum lekate Probhu Isorre emakan aperen ḍaṅgra ar bheḍa do pal khon hataokatepe gur daṛeakoa ar apan ạpin ato ar nagrahakore apeakʼ sana leka jelpe jom daṛeakʼa.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

2 Rapajko 21:7

Uni do oka Asera muṭhạne benao akatʼ tahẽkan ona do koejoṅ oṛakʼreye dohokeda. Niạ koejoṅ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń hoeocoya.

2 Bõsbudạ 33:7

Uni do okoe murtikoe lakʼ rokʼ ocoketʼko onko do Isorakʼ oṛakʼreye dohokatʼkoa. Niạ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń benaoa.

Esra 6:12

Jãhãe raj se jãhãe jạtrenge jodi niạ hukume bebatao ar Jerusalem reakʼ ona mundil dhaṅdhaser reakʼe monejoṅ enḍekhan Isor, onḍe okoeye tahẽnkan uni do jemon uniye marao giḍikae. Ar iń Darjawesge niạ hukum doń emena. Noa do jemon joton salakʼ manao idikʼ.”

Sereńko 34:17

Okoe dhorom reakʼko kạmikan Probhu Isor do onkoakʼ rakʼe ańjometʼtakoa; ar joto lekan kosṭo khon uni doe rukhiyạyetʼkoa.

Exodus 29:44

“Ńapamokʼ tạmbu ar pinḍ do iń ńutumteń begar dohokakʼa ar naeke lekate iń sewawạń lạgitʼ Aron ar uniren hoponko hõ iń ńutumteń begar dohokoa.

Sereńko 65:3

Ińakʼ bedhoromakʼ kạmire iń doń tạpukʼ akana, Menkhan amge aleakʼ sanam kạikom ikạyetʼtalea.

Jirimiạ 7:10

Ar ona tayom do ińakʼ oṛakʼre hecʼkate iń samaṅre teṅgokatepe meneda, ale dole rukhiyạle ńamkeda. Apepe onkayeda jemon bạṛicʼ kạmikope kạmi daṛeakʼ.