1 Rapajko 9:19 - সান্তালী বাইবেল

¹⁹ acʼakʼ sanam gola-nagrahako ar rãt gạḍiko ar aswariko lạgitʼ nagrahakoe benaokeda, metakʼme, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona do jotogeye benaokeda.

1 Rapajko 9:19 Referans Kwoze

1 Rapajko 9:1

Nonkate Solomon do Probhu Isorakʼ oṛakʼ, raj dolan ar acʼ apnar kusi leka okako kạmiye menletʼ onako sanamakʼe sạtkeda.

Sosolhayic̕ 6:9

Arhõ ńam reakʼ as khon bickom mẽtʼte oka ńel ńamokʼ onare tirpit tahenge bhagea. Niạ hõ ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

Sosolhayic̕ 2:10

Ińakʼ mẽtʼre oka bhageakʼ iń hudisetʼ tahẽkan onageń kạmiyetʼ tahẽkana; ar joto lekan rạskạwakʼregeń seletʼ mitʼlena. Jotowakʼ kạmirege mon do kusikʼkan tahẽkana, ar niạge ińakʼ sanam khaṭaoakʼ reakʼ kuṛại tahẽkana.

2 Bõsbudạ 1:14

Solomon do ạḍi utạr rãt gạḍiko ar sadomkoe jogaṛketʼkoa. Onate uniyakʼ do mitʼ hajar ponsae rãt gạḍiko ar gelbar hajar sadomko hoyentaea. Ar noako rãt gạḍi do nagrahakore ar Jerusalemre acʼ ṭhene dohokeda.

1 Rapajko 10:26

Solomon do ạḍi utạr rãt gạḍiko ar sadomkoe jogaṛketʼkoa. Uniyakʼ rãt gạḍiko do mitʼ hajar ponsae ar sadomkoakʼ lekha do gelbar hajar tahẽkana. Uni do onako rãt gạḍiko dohoy lạgitʼ nagrahako ar Jerusalemre acʼ ṭhene dohoyetʼko tahẽkana.

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

1 Rapajko 9:20

Ar okoe do Israelko baṅkan, metakʼme Amoriko, Hittiko, Peresiko, Jebusikoren bõsko onko do unhõ jiwetʼko tahẽkana, Israelko do onko bako marao giḍi daṛeatʼko tahẽkana, menkhan Solomon do onkoge golam lekate kạmi lạgitʼe sapʼ paṭetʼletʼkoa, ar teheń hạbicʼ hõ onko do ona kạmigeko kạmikana.

1 Rapajko 5:6

“Onate hukum emokʼme iń lạgitʼ Lebanon disạm khon debdạru dareko jemon makʼ ạgukʼ. Ińren hoṛ hõ amren hoṛko sãoteko tahena ar am cetʼleka mujurim ṭhik dohoako onkage iń do amren hoṛkoń emakoa. Entem baḍaegea Sidonrenko do dare makʼ ar gegetʼreko gạkhuṛgea.”