1 Rapajko 9:16 - সান্তালী বাইবেল

¹⁶ Inạ lahare Misorren Pharao raj do Geser hatkate seṅgelteye ḍahao marao akatʼ tahẽkana ar onḍeko tahẽkan Kananrenko doe gocʼletʼkoa. Tayomte ona jaega do acʼren hoponera, metakʼme, Solomonren bạhu ńutumte baplare dan sandes lekateye emlena.

1 Rapajko 9:16 Referans Kwoze

1 Rapajko 3:1

Solomon do Misorren raj Pharaoren hoponerae baplakedete uni tulucʼ gatekʼ reakʼe ehopʼkeda. Solomonakʼ raj gaṛ, Probhu Isorakʼ oṛakʼ ar Jerusalem beṛhaete pạcri ạuriye sạt hạbicʼ acʼren bạhu do Dạudakʼ nagrahareye dohokedea.

1 Rapajko 9:24

Pharaoren hoponera do Dạud nagraha bạgikate acʼ lạgitʼ benao akatʼ raj dolanteye hecʼen khan Solomon do Milo nagrahae benaokeda.

1 Rapajko 7:8

Ar acʼakʼ tahen oṛakʼ do bikʼcạr oṛakʼ tayomre inạ mitʼ lekageye benao ocokeda. Pharaoren okoeṭakʼ hoponerae baplalede uni lạgitʼ hõ inạ lekage ar mitʼṭecʼ oṛakʼe benao ocokeda.

Josuạ 16:10

Geserre okoe Kananiko girobasokʼkan tahẽkan onko do bako laga ńirletʼkoa. Onate teheń hạbicʼ hõ onko do Ephrayim gusṭiren hoṛko sãoteko girobasokʼkana; tobe Ephrayim gusṭiren guti lekate onko do begari kạmi lạgitʼ golamko hoyakana.

Josuạ 10:33

Unre Geserren Horam raj do Lakhisren hoṛko goṛowako lạgitʼe oḍokʼ hecʼlena menkhan Josuạ do uni ar uniren lạṛhại phạdkoe bhagaoketʼkoa. Ar sesre celege jiwetʼ bako sarecʼlena.