1 Rapajko 8:9 - সান্তালী বাইবেল

⁹ Israelko Misor disạm khonko oḍok hecʼen tayom Horeb burure Probhu Isor do onko lạgitʼ tinre bondobose bandhaokeda unre Mose okakin dhiri cạkti sindukreye doholetʼ ona chaḍa ar cetʼge onare do ar baṅ tahẽkana.

1 Rapajko 8:9 Referans Kwoze

Exodus 25:21

Noa daya duṛupʼakʼ do sinduk cetanrem dohoya ar oka goha olakʼiń emam ona do sinduk bhitrirem dohokakʼa.

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.

Exodus 40:20

Ona tayom Mose do goha paṭa banar hataokate sinduk bhitrireye dohokeda ar sindukre ḍaṅkine hurạṛkada ar ona cetanre do ḍhalwakʼe dohokeda.

2 Bõsbudạ 5:10

Israelko Misor disạm khonko oḍok hecʼen tayom Horeb burure Probhu Isor do onko lạgitʼ tinre bondobose bandhaokeda unre Mose okakin dhiri cạkti do sinduk bhitrireye doholetʼ ona chaḍa ar cetʼge onare do ar baṅ tahẽkana.

Dosar Biboron 4:13

Uni do ape ṭhen acʼakʼ bondobos, metakʼme uniyakʼ gel hukume sodorleda. Uni do ona gel hukum manao idi reakʼe metatʼpe tahẽkana ar dhiri reakʼ barea paṭareye olletʼ tahẽkana.

Johan sodor 15:8

Isorakʼ mạhima ar daṛe khon okaṭakʼ dhũạ oḍokokʼkan tahẽkan ona dhũạte mundil oṛakʼ do perecʼena. Onko eae goṭen serma goḍetkoakʼ eae goṭecʼ sạjại ạuri cabakʼ hạbicʼ okoe hõ ona mundilre do bako bolo daṛeada.

Jeheskel 10:4

Un jokhecʼ Probhu Isorakʼ ṭhonok do Kerubko khon rakapʼkate mundil reakʼ duạr ganaḍe secʼ senena. Ar mundil oṛakʼ do rimilte perecʼena, unre Probhu Isorakʼ ṭhonok reakʼ marsalte raca do perecʼena.

1 Rapajko 8:21

Ar onḍe ona goha tạmbu dohoy reakʼ thạ̃iyiń ṭhik dohoakada one onare Probhu Isorakʼ emakʼ bondobos menakʼ, okaṭakʼ do Misor disạm khon aboren hapṛamkoe oḍok ạguketʼko tayom onko lạgitʼe bandhao akatʼ tahẽkan.”

Dosar Biboron 31:26

“Ạn-ạri reakʼ noa puthi idikate Probhu Isorakʼ bondobos reakʼ sinduk aṛere dohokakʼpe. Noa do Israelko upạrte goha leka tahena.

Numeri 17:10

Inạ tayom Probhu do Moseye metadea, “Ṭhoṭhok hoṛko lạgitʼ mitʼṭecʼ cinhạ ńutumte Aronakʼ ṭheṅga do arhõ goha sinduk samaṅre dohokakʼme. Onate am do iń upạrte onkoakʼ karacʼ kurujokʼakʼem thir ocoytakoa, onate onko do ar bako gujukʼa.”

Numeri 9:15

Oka hilokʼ sekʼwa tạmbu, metakʼme goha tạmbu umul hoyen hilokʼge ona do Probhu Isorakʼ rimilte danaṅ esetʼena. Ar ạyupʼ khon setakʼ hạbicʼ sekʼwa tạmbu cetanre ona rimil do seṅgel muṭhạn leka ńelena.

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Exodus 16:33

Mose do Arone metadea, “Am do mitʼṭecʼ dohowakʼre mitʼ Omorkate Manna hataokate Probhu Isor samaṅre dohoyme jemon piṛhike piṛhi hạbicʼ ona do tahen.”

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.

Exodus 14:24

Ar setakʼ jokhecʼ Probhu Isor do rimil khunṭi ar seṅgel khunṭi khon misrikoren palṭonko secʼe beṅgetʼkeda ar onko talare mitʼṭecʼ ạulạ jhạulại hoyocokeda.

Exodus 13:21

Probhu Isor do hore udukʼ idiyako lạgitʼ siń do mitʼṭecʼ rimil khunṭire ar ńindạ do marsal emokʼ lạgitʼ seṅgel khunṭire tahẽkate onko laha lahateye calakʼkan tahẽkana. Nonkate onko do siń ar ńindạ jao oktegeko sen daṛeakʼkan tahẽkana.

Exodus 25:16

Ona goha sunduk do amiń emama ar am do noa sindukre onam dohokakʼa.

2 Bõsbudạ 5:9

Onakin ḍaṅ do nonka jeleń tahẽkana, onakin reakʼ mitʼ mucạtʼ do bhitri kandha reakʼ samaṅ secʼakʼ asolakʼ kandha, metakʼme sonot utạrakʼ ṭhạ̃i khon ńel ńamokʼkan tahẽkana, menkhan sonot utạrakʼ ṭhạ̃i bahre khon do baṅa. Ar teheń hạbicʼ ona do onḍege menakʼa.