1 Rapajko 8:59 - সান্তালী বাইবেল

⁵⁹ Ar okako katha roṛate Probhu Isor ṭhen koejoṅ iń samaṅ akatʼ ona do siń ar ńindạ aboren Probhu Isorakʼ disạ tahentaema jemon uni do acʼren gutiko ar acʼren Israel hoṛko dinạm hilokʼ reakʼ jạruṛokʼakʼ lekateye bebostawabon.

1 Rapajko 8:59 Referans Kwoze

Johan 17:9

“Sanamko lạgitʼ do bạń nehõrokʼkana, menkhan okoekom emakawạdiń onko lạgitʼ iń nehõramkana, ente amren kangeako.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

1 Johan 2:2

Aboakʼ kạiko ocokʼ giḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.

Luk 11:3

aleakʼ din hilokʼ reakʼ jạruṛ jomakʼ dinạmge emaleme baṛe;

Dosar Biboron 33:25

Mẽṛhẽtʼ ar pitạl reakʼ hurkạṛte uniyakʼ duạr do tol tahentaea. Ar tinạkʼ din jiwetʼe tahen unạkʼ din hoṛmore daṛe tahentaea.”

1 Rapajko 8:58

Abo do uniyakʼ joto horte calakʼ lạgitʼ ar aboren hapṛamko ṭhen okako hukum ar ạn-ạrikoe emakan ona manao lạgitʼ aboakʼ ontorre pạtiạu baṛeye dan abonma.

1 Rapajko 8:60

Nonkate dhạrtiren sanam jạtrenko baḍae daṛeakʼa, Probhugeye Isor kana mente ar uni chaḍa eṭakʼ cele Isorge bạnukʼkoa.

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”