1 Rapajko 8:54 - সান্তালী বাইবেল

⁵⁴ Solomon do Probhu Isor ṭhen niạko koejoṅ ar nehõre mucạtʼketʼ khan pinḍ samaṅ khone beretʼena; ar un ghạṛicʼ uni do ikhṛumkate serma secʼ ti tiyạr akaegeye tahẽkana.

1 Rapajko 8:54 Referans Kwoze

Luk 22:45

Ado koejoṅ tayom beretʼkate uni do acʼren celako ṭhene hecʼena. Ar mon reakʼ duk ar laṅgate jạpitʼ akatʼe ńelketʼkoteye metatʼkoa, “Cedakʼpe jạpitʼ joṅkana? Ma beretʼpe ar koejoṅpe jemon biḍạure alope paṛaokʼ.”

2 Bõsbudạ 7:1

Solomonakʼ koejoṅ mucạtʼen são sãote serma khon seṅgel do pheḍ hecʼente jeredokʼ samaṅokʼakʼ ar eṭakʼ eṭakʼ samaṅokʼakʼ jotowakʼ jiniskoe atarkeda ar koejoṅ oṛakʼ do Probhu Isorakʼ ṭhonokte perecʼena.

Sereńko 95:6

Dela, abo do uni bon sewawae ma; aboren sirjạuicʼ Probhu Isor samaṅre bon ikhṛumokʼma.

Aposkạmi 21:5

Onako din paromen khan ale do onkole bạgiyatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar jalapuri ḍhipre ikhṛumentele koejoṅana.

Aposkạmi 20:36

Noa katha menkate Pạul do sanamko sãote ikhṛumenteye koekeda.

Luk 22:41

Ona tayom Jisu do celako ṭhen khon thoṛa sạṅgiń ńokʼ senkate ikhṛumente koejoṅe ehopʼena,

Luk 11:1

Mitʼdin Jisu do mitʼṭecʼ jaegareye koejoṅkan tahẽkana. Ado koejoṅe mucạtʼketʼ khan acʼren mitʼṭen cela doe menkeda, “E Probhu, Johan bạbạptisicʼ cetʼleka acʼren celako koejoṅe cetʼatʼko tahẽkan onkage ale hõ cetʼaleme.”

1 Rapajko 8:22

Ona tayom Solomon do onḍe jarwa akan Israelko samaṅre Probhu Isorakʼ pinḍ ṭhen teṅgokate serma secʼ tiye tiyạrketʼtaea.