1 Rapajko 8:51 - সান্তালী বাইবেল

⁵¹ ente Israelko do amren hoṛ kangeako, ar amren sompotti kanako okoe do Misor disom khon, one mẽṛhẽtʼ galao reakʼ culhạ khonem oḍok ạgu akatʼko.

1 Rapajko 8:51 Referans Kwoze

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Nehemiạ 1:10

“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Jirimiạ 51:19

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae, ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

2 Bõsbudạ 6:39

enḍekhan amakʼ tahen ṭhạ̃i serma khon onkoakʼ koejoṅ ar nehõrjoṅakʼ ańjomtakome ar onko sejokʼme. Amren okoe hoṛko do am upạrteko kại akatʼ onko hoṛ hõ ikạkakome.

1 Rapajko 8:53

E Probhu Isor, aleren hapṛamko Misor disạm khon oḍok ạguko jokhecʼ amren guti Mose hotete amakʼ roṛ saḍeakʼ lekate amren sompottiko hoyokʼ lạgitʼ dhạrtiren sanam jạtrenko tala khon am do Israelkom begar dohoakatʼkoa.”

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

Sereńko 28:9

E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.

Jesaea 48:10

Ńelpe, seṅgelreń khadlepea, menkhan ape do rupạ leka nirại do bape oḍok hecʼakana; iń do duk reakʼ bhaṭareń biḍạu aṭkar akatʼpea.

Daniel 3:26

Unre Nebukadnesar do jolokʼkan bhaṭa reakʼ duạr ṭhen senkate ãṭ aṛaṅteye menkeda, “E maraṅ Isorren guti Sedrok, Mesak ar Abed-nego, dela oḍok hijukʼpe.” Ar onate Sedrok, Mesak ar Abed-nego do jolokʼkan seṅgel tala khonko oḍok hecʼena.