1 Rapajko 8:48 - সান্তালী বাইবেল

⁴⁸ Ar ona disạmre mon ar ontorte am secʼko ạcur ruạṛokʼ ar okaṭakʼ disạm do onkoren hapṛamkom emakatʼko ona disạm secʼ, amem bachao akawan nagraha secʼ, am lạgitʼ benao akatʼ niạ oṛakʼ secʼ samaṅkate am ṭhenko koejoṅ,

1 Rapajko 8:48 Referans Kwoze

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

Jona 2:4

Iń doń menkeda, ‘amakʼ mẽtʼãhã samaṅ khon sạṅgińteń idi ocoakana; enhõ iń do amakʼ ona sonot oṛakʼ secʼ arhõń beṅgetʼ rakaba.’

Nehemiạ 1:9

menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’

Romiko lạgitʼ Pạul Apostolakʼ ciṭhi 10:10

ente ontorre biswạs iạte Isor do manwa dhorom menteye lekhayea ar mocateye aṅgocetʼkante kại khone bańcaoea.

Aposkạmi 8:36

Ado hortekin calakʼkan tahẽkanre nonkan mitʼṭecʼ jaegarekin hecʼena one okare do dakʼ tahẽkan. Unre uni raj kạmiyạ hoṛ doe menkeda, “Nõkʼõe ńelme, nonḍe do dakʼ menakʼa; ar ińiń bạptis ocokʼre tạkicʼakʼ jãhãnakʼ cetʼ menakʼa?” Unre Philipe menkeda, amakʼ goṭa montem pạtiạu akan khan ma bogege. (Uni hoṛ do roṛ ruạṛketʼteye menkeda pạtiạukʼ kangeạń Jisu Mạsi do Isorren Hopon kanae mente).

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Sereńko 119:145

Ińakʼ goṭa ontorteń hohowam kana; E Probhu Isor, roṛ ruạṛạńme. Amakʼ sanam ạnkoń manaoa.

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

1 Rapajko 8:49

enḍekhan amakʼ tahen ṭhạ̃i serma khon onkoakʼ koejoṅ ar nehõrjoṅakʼ ańjomtakome ar onko sejokʼme.

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Sakariạ 10:9

Ar jạt jạtrenko talareń pasnao akatʼkore hõ sạṅgiń disạmre onko do ińko disạyińạ. Onko ar onkoren hopon ar hoponerako jiwetʼko tahena ar onko doko ruạṛ hijukʼa.

Levitikus 26:40

“Ińre bepạtiạu ar iń birudre teṅgokʼ iạte iń hõ onko upạrteń teṅgona ar bạirikoakʼ disạmteń idikoa. Menkhan onḍe ako ar akoren hapṛamkoakʼ dosko aṅgocte ontorko nidhạntakoa ar dos akatʼ iạte sạjại reakʼko ataṅ,

1 Rapajko 8:33

“Am birudre kại gunạkʼte amren hoṛ Israelko akoren bạiri ṭhen khonko bhagao ocolenre ar am ṭhenko ruạṛ hecʼlenre ar koejoṅ oṛakʼre amko sarhaome ar am ṭhen nehõrkateko koejoṅ,

2 Rapajko 23:25

Uni do acʼakʼ goṭa mon, ontor ar daṛete Mose emakʼ sanam ạn-ạriko leka Probhu Isorakʼ horteye taṛametʼ tahẽkana. Uni lahate se uni tayomte ar okoe rajge uni leka do bako tahẽkana.

Daniel 6:11

Unre onko do mitʼ dhaote onḍe senkate Daniel Isor ṭhen koejoṅ ar nehõrokʼkanko ńelkedea.