1 Rapajko 8:36 - সান্তালী বাইবেল

³⁶ enḍekhan am do serma khon ona ańjomtakome ar amren gutiko, metakʼme amren hoṛ Israelkoakʼ kạiko ikại takome. Ar jionre ṭhik leka calakʼ reakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ocoyme.

1 Rapajko 8:36 Referans Kwoze

Sereńko 27:11

E Probhu Isor, amakʼ hor udukʼạńme baṛe; ar ińren bạiriko iạte amakʼ suṛucʼ horte ạyurińme.

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Sereńko 94:12

E Probhu Isor, uni hoṛ doe bhạgangea okoe dom ḍanṭaoede ar amakʼ ạn ạrikom cetʼaekan.

1 Rapajko 18:45

Inạkʼtege rimil do dhundena, hoe hõ rakapʼ hecʼena ar ạḍi ãṭe dakʼkeda. Ahab do rãt gạḍite Jisreyelteye mohnḍayena.

1 Rapajko 18:1

Inạ ḍher din tayom, bae dakʼetʼ tahẽkan tesarakʼ bochorre Probhu Isor do Eliại metadea, “Do Ahab sãote ńapamokʼme. Ar iń do disạmre dakʼ iń kola.”

Mathae 22:16

Onko do Herod secʼrenko sãote akoren celako uni ṭhenko kolketʼkoa. Onko do Jisuko metadea, “E Guru, alele baḍaea am dom sạri hoṛ kana. Ar Isorakʼ hor reaṅ sạritegem cetʼako kana. Am do okoe hõ bam hetawako kana, ente hoṛkoakʼ mẽtãhã do bam beṅgetʼakʼ kana.

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.

Jirimiạ 42:3

Amren Probhu Isor ṭhen koeme jemon aleye lạiyale ńitokʼ cetʼle cekaea ar okatele calakʼa.”

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Sereńko 143:8

Setakʼre amakʼ asambheṛ dulạṛ reakʼ katha ańjomạńme, ente iń do am cetanregeń ṭehãḍ akana; ar okaṭakʼ horte calakʼ hoyokʼ ona hõ udukʼạńme, ente ińakʼ ontor do am secʼgeń rakapʼ akatʼtińạ.

Sereńko 119:33

E Probhu Isor, amakʼ ạnko reaṅ cetʼạńme; Jion reakʼ mucạtʼ hạbicʼ iń do ona lekań senokʼa.

Sereńko 86:11

E Probhu Isor, amakʼ hor reaṅ cetʼạńme baṛe, jemon amakʼ sạri horteń taṛam daṛeakʼ; ar am sewawam lạgitʼ ińakʼ bar monan ontor baṛe mitʼ kạtińme.

Sereńko 68:9

E Isor, am do asecʼ tasecʼ dakʼem jạṛikeda; ar khaṅgoṭokʼkan disạm dom daṛe ruạṛ ocokeda.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Sereńko 25:12

Okoe kanae uni hoṛ, okoe do Probhu Isore botorae kan? Ar okaṭakʼ hor bachao hoyokʼtaea ona do unigeye udukʼaea.

Sereńko 25:8

Probhu Isor doe bhagegea are bhạlạiyicʼ kana, onate acʼakʼ hor reakʼakʼko uni do kại hoṛkoe cetʼ akokana.

Sereńko 5:8

E Probhu Isor, aema bạiri menakʼkotińte amakʼ dhorom horte ạyurińme; ar amakʼ hor sojhe kạtińme.

1 Rapajko 18:41

Ona tayom Eliạ do Ahabe metadea, “Am do senkate jom ńũiyme, ente dakʼ reakʼ saḍe do botorge ańjomokʼ kana.”

Sereńko 119:133

Amakʼ katha leka ṭhik horte calakʼ lạgitʼ am do ińakʼ jaṅgam kajaketʼtińạ; jãhãn behokakʼ jemon ińre aloe raj daṛeakʼ.

Sereńko 68:10

Ar amren hoṛko do onareko girobaslena; amakʼ bhage sanate, E Isor, am do onkoakʼ okulạnkom meṭaoleda.

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.