1 Rapajko 8:26 - সান্তালী বাইবেল

²⁶ E Israelren Isor, amren guti ińren ạpuń Dạud ṭhen okaṭakʼem gokʼletʼ ona baṛe purạume.

1 Rapajko 8:26 Referans Kwoze

Jirimiạ 11:5

Iń do aperen hapṛamko ṭhen nonkan disạm emako lạgitʼ iń kiriạlena one okare do toa, darkha rasa ar cetʼ jãhãnakʼ reakʼ okulạnge bạnukʼ, ar ona gokʼakʼ doń purạugea.’ Ona disạmge teheń do apepe ạidạri akawana.” Ińiń roṛ ruạṛkeda, “Amen, Probhu Isor!”

Jesaea 45:3

Iń do ńut jaegare oko danaṅakʼ acel pacel dhonkoń emama, jemonem baḍae daṛeakʼ, iń kangeạń Probhu, Israelren Isor do, one okoe do ńutum ńumkateye hohowamkan.

Jesaea 41:17

“Reṅgecʼ ar nacarko do dakʼ reakʼko ńam baṛayeda, menkhan bako ńameda; tetaṅte alaṅ do sạkitʼ caba akantakoa. Menkhan iń Probhu Isorge onkoń roṛ ruạṛakoa; iń Israelren Isor do onko bạń bạgi giḍikoa.

Sereńko 119:49

Amren golam ṭhen okaṭakʼem gokʼakatʼ ona baṛe disạime; ona hotetege am do ińem as akadińạ.

Sereńko 41:13

Pạhil khon mucạtʼ hạbicʼ Israelren Probhu Isorakʼge sarhao hoyokʼtae ma. Amen, amen.

2 Bõsbudạ 1:9

E Probhu Isor, ińren ạpuń Dạud ṭhen okam gokʼ akatʼ ona baṛe ńitokʼ purạume, ente nonkan mitʼ jạtrenko cetanrem raj akadińạ okoe do dhạrtiren dhuṛi leka ohoko lekha caba daṛelen.

1 Rapajko 8:23

Uni doe menkeda, “E Probhu Israelkoren Isor, coṭ sermare se latar otre am lekan cele Isorge bạnukʼkoa. Amren gutiko okoe do mon ar ontorte amakʼ horteko calakʼkan onko do amakʼ asambheṛ dulạṛem udukʼako kana ar bondobosem bandhao akada.

1 Samuel 1:17

Unre Eliye menkeda, “Amakʼ jiwi baṛe raṛejokʼtam ma. Israelkoren Isor ṭhen okam khojakatʼ ona jemone emam.”

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

1 Bõsbudạ 17:23

“Ńitokʼ do E Probhu Isor, ińakʼ ar ińakʼ bõsko reaṅ okam gokʼ akatʼ ona do jaejug hạbicʼ rukhiyạime baṛe. Ar amakʼ gokʼakʼ lekage ona do hoyokʼma.

Sereńko 119:38

Amren nui golam ṭhen okaṭakʼem gokʼakatʼ ona baṛe purạume, jemon amiń botoram.