1 Rapajko 8:24 - সান্তালী বাইবেল

²⁴ Amren guti ińren ạpuń Dạud ṭhen okam gokʼletʼ am do onam purạu akada. Ar mocate okam menletʼ kạmite hõ onam purạu akada, ar ona do ale hõle ńeletʼ kana.

1 Rapajko 8:24 Referans Kwoze

2 Samuel 7:16

Amakʼ bõs ar rajosṭi do am samaṅre jaejug ṭarhao akae tahena. Ar amakʼ siṅghạson do jaejug hạbicʼ tahena.’ ”

1 Rapajko 8:15

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼ apnartetʼgeye purunkeda. Uni doe menleda,

2 Samuel 7:12

Amakʼ bahaokʼ dinko mucạtʼlen khan am do amren hapṛamko ṭhenem calakʼre am bodolte am bõsren mitʼ hoṛ, amren hopongeń duṛubea ar uniyakʼ rajosṭiyiń ṭarhaotaea.

Bikʼcạrko 13:11

Niạ katha ańjomkate Manoh doe beretʼena ar bạhutetʼ sãote uni hoṛ ṭhen senkateye metadea, “Ińren oṛakʼ hoṛ sãote okoeye galmaraoletʼ uni do cetʼ am kangeam?” Uniye menkeda, “Hẽ, uni kangeạń.”

1 Rapajko 8:23

Uni doe menkeda, “E Probhu Israelkoren Isor, coṭ sermare se latar otre am lekan cele Isorge bạnukʼkoa. Amren gutiko okoe do mon ar ontorte amakʼ horteko calakʼkan onko do amakʼ asambheṛ dulạṛem udukʼako kana ar bondobosem bandhao akada.

1 Rapajko 8:25

“Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda uniren hoponko uni leka jotowakʼ kạmire amakʼ sana lekako calakʼ enḍekhan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

Josuạ 21:45

Probhu Isor do Israelko bhạlạiko reakʼ okae gokʼatʼko tahẽkan ona reakʼ mitʼṭecʼ hõ sarecʼ do baṅ tahẽlena, uni do jotogeye purạukeda.

Sereńko 138:2

Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.