1 Rapajko 8:22 - সান্তালী বাইবেল

²² Ona tayom Solomon do onḍe jarwa akan Israelko samaṅre Probhu Isorakʼ pinḍ ṭhen teṅgokate serma secʼ tiye tiyạrketʼtaea.

1 Rapajko 8:22 Referans Kwoze

Esra 9:5

Ona tayom ạyupʼ reakʼ samaṅokʼ jokhecʼ iń do mon reakʼ duk khoniń beretʼena, ar oṛecʼ kicricʼ ar aṅgrop horokʼ akatʼrege ikhṛumente ińren Probhu Isor samaṅre banar ti tiạrkateń koekeda,

1 Rapajko 8:54

Solomon do Probhu Isor ṭhen niạko koejoṅ ar nehõre mucạtʼketʼ khan pinḍ samaṅ khone beretʼena; ar un ghạṛicʼ uni do ikhṛumkate serma secʼ ti tiyạr akaegeye tahẽkana.

Exodus 9:33

Ona tayom Mose do Pharao ṭhen khone oḍok senena. Ar nagraha khon oḍok kate uni do Probhu Isor ṭhen ti tulkateye koekeda. Unre rimil saḍe ar arel ńurokʼ thirena. Ar dakʼ ńurokʼ hõ thirena.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Exodus 9:29

Mose do uniye metadea, “Nagraha khon oḍok katege iń do Probhu Isor ṭhen ti tulkateń koejoṅa. Onate huḍur ar arel ńurokʼ hõ thirokʼa. Ar noatem bujhạu daṛeakʼa, dhạrti do Probhu Isorakʼ kangea.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Sereńko 63:4

Iń do jiwetʼ tahen bhor amiń sarhaomea; ar am ṭhen iń do ti tulkateń koejoṅa.

Sereńko 28:2

Goṛo ńam lạgitʼ amiń hohowamre ar amakʼ sonot ṭhạ̃i secʼ tiyiń rakabtińre ińakʼ nehõr joṅakʼ baṛe ańjomtińme.

Jobakʼ 11:13

“Menkhan amakʼ mon purạtem emae khan, ar uni secʼ amakʼ tiyem tiyạrle khan,

2 Rapajko 23:3

Raj do tham khunṭi aṛere teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanam katha manao lạgitʼ Probhu Isor samaṅreye gokʼana. Unre sanam hoṛko hõ raj sãote inạgeko gokʼana.

2 Rapajko 11:14

Uni doe ńelkeda raj do tham khunṭi aṛereye teṅgo akana. Ar Subedarko ar sakwa okʼroṅko do raj beṛhaeteko teṅgo akana ar disạmren sanam hoṛ doko rạskạkʼ kana ar sakwako oroṅeda. Niạ ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! Hul!”

Exodus 33:10

Ar hoṛko tinre noa khunṭi tạmbu ṭhenko ńeletʼ tahẽkana unre joto hoṛ apan ạpin tạmbu reakʼ duạr ṭhen otre ombakʼkate Probhu Isorko sewawaekan tahẽkana.