1 Rapajko 8:15 - সান্তালী বাইবেল

¹⁵ Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼ apnartetʼgeye purunkeda. Uni doe menleda,

1 Rapajko 8:15 Referans Kwoze

Luk 1:68

“Israelkoren Probhu Isorakʼ sarhao hoyokʼtaema, ente uni do acʼren hoṛko secʼe beṅgetʼ akada are chaḍao akatʼkoa.

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

1 Bõsbudạ 29:10

Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.

Luk 1:70

Noa katha do acʼren sonot nạbikoakʼ moca hotete uni do ḍher din laharegeye roṛletʼ tahẽkana.

Sereńko 115:18

menkhan abo do Probhu Isor bon gun manao joharaea, uni gun man johar bon emaea ńit khon jaejug hạbicʼ. Probhu Isorakʼge sarhao hoyokʼtae ma.

2 Bõsbudạ 6:4

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼgeye purunkeda. Uni doe menleda,

Josuạ 21:45

Probhu Isor do Israelko bhạlạiko reakʼ okae gokʼatʼko tahẽkan ona reakʼ mitʼṭecʼ hõ sarecʼ do baṅ tahẽlena, uni do jotogeye purạukeda.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Luk 1:72

Uni do aboren hapṛamko mãyãwako lạgitʼ acʼakʼ sonot bondobos, metakʼme acʼakʼ gokʼakʼ purạu lạgitʼ, aboe rukhiyạ akatʼ bona.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Sereńko 138:2

Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.

Sereńko 41:13

Pạhil khon mucạtʼ hạbicʼ Israelren Probhu Isorakʼge sarhao hoyokʼtae ma. Amen, amen.

2 Bõsbudạ 20:26

Ponakʼ dinre onko do Beraka reakʼ buru tala otetreko jarwayente Probhu Isorko sarhaokedea. Ona iạte teheń hõ ona jaega do Beraka buru tala otetko metakʼkana (metakʼme, “sarhaoakʼ”).

1 Bõsbudạ 17:12

Amren uni hoponge iń lạgitʼ mitʼṭecʼ oṛakʼe benaoa, ar uniyakʼ siṅghạson do jaejug hạbicʼ tahena.

2 Samuel 7:25

“Ńitokʼ do E Probhu Isor, amren guti ar uniyakʼ bõs reaṅ okaṭakʼem gokʼakatʼ ona baṛe jaejug rukhiyạ akae dohoyme. Ar amakʼ gokʼakʼ lekage kạmime.

2 Samuel 7:5

“Am do senkate ińren guti Dạudem metaea, Probhu Isore meneda, ‘ińakʼ tahen lạgitʼ am do cetʼ mitʼṭecʼ oṛakʼem benaoa?

2 Samuel 6:18

Jeredokʼ ar sulukren samaṅokʼakʼe samaṅketʼ khan Dạud do sanam daṛeanicʼ Probhu Isor ńutumte hoṛkoe bhoratʼkoa.

1 Bõsbudạ 16:36

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtae ma.” Inạ tayom sanam hoṛko menkeda, “Amen, Probhu Isorakʼge sarhao hoyokʼtaema.”

1 Bõsbudạ 22:10

Unige iń lạgitʼ mitʼṭecʼ oṛakʼe benaoa. Uni do ińren hopone hoyokʼa ar iń do uniren apatiń hoyokʼa. Israelko cetanre uniyakʼ rajosṭi do jaejug hạbicʼ tahentaea.’

1 Samuel 25:32

Dạud do unre Abigaele metadea, “Israelren Probhu Isorakʼge sarhao baṛe hoyokʼtaema, ente uni do teheń iń sãote ńapamokʼ lạgitʼe kolakatʼmea.