1 Rapajko 8:13 - সান্তালী বাইবেল

¹³ Ńitokʼ do am lạgitʼ napae okocʼ mitʼṭecʼ oṛakʼ iń benao akada; ar noa do jaejug lạgitʼ amakʼ tahen oṛakʼge hoyokʼa.”

1 Rapajko 8:13 Referans Kwoze

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Exodus 15:17

Amge amren hoṛko ạgukate poha leka amakʼ bururem rohoekoa. E Probhu Isor, am apnar tite benaoakʼ onage amakʼ tahen oṛakʼ do; E Probhu Isor, amakʼ tite benaoakʼ onage amakʼ tahen ṭhạ̃i do;

Aposkạmi 6:14

Ale do noa katha roroṛle ańjomakadea, Nasaretren uni Jisu do noa mundile rạputʼ giḍiya ar Mose oka ạn-ạrikoe emakatʼbon onako hõe pheraoa.”

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

1 Bõsbudạ 28:6

Uni do ińe men akawạdińạ, ‘amren hopon Solomon kangeae uni hoṛ, okoe do ińakʼ oṛakʼ ar bakher racae benaoạń, ente ińge ińren hopon hoyokʼ lạgitʼ iń bachao akawana ar iń do uniren apatiń hoyokʼa.

1 Bõsbudạ 17:12

Amren uni hoponge iń lạgitʼ mitʼṭecʼ oṛakʼe benaoa, ar uniyakʼ siṅghạson do jaejug hạbicʼ tahena.

Mathae 23:21

Okoe mundil ńutumteye kiriạkʼkan uni do mundil ar ona bhitrire tahenkạnicʼ ńutumtegeye kiriạkʼ kana.

Jeheskel 43:7

Uni doe menkeda, “E manwa hopon, noa do ińakʼ siṅghạson reakʼ ṭhạ̃i ar ińakʼ jaṅga dohoy lạgitʼ jaega kana. Iń do nonḍege Israelko talareń girobasokʼa. Israelko tishõ ińakʼ sonot ńutum do bako besonot ocoytińạ. Baṅ do ako ar baṅ do onkoren rapajkoakʼ laṭghaṭ iạte, ar akoren gocʼakan rapajko ńutumte dikʼsạwakʼko teṅgoe hotete onko do ińakʼ ńutum ar bako besonot ocoytińạ.

Jeheskel 43:9

Ar ńitokʼ do akoren boṅga murhutʼko ar akoren rapajkoakʼ mạ̃ṛĩ iń khonko sạṅgiń giḍikakʼma; inạkhan iń do jaejug hạbicʼ onko talareń girobasokʼa.