1 Rapajko 8:1 - সান্তালী বাইবেল

¹ Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

1 Rapajko 8:1 Referans Kwoze

1 Bõsbudạ 15:25

Inạ tayom Dạud do, Israelkoren murubbiko ar lạṛhại phạdkoren hajarko cetanren subedarko rạskạ salakʼ Obed-Idomakʼ oṛakʼ khon Probhu Isorakʼ ona bondobos sinduk ạgui lạgitʼko calaoena.

1 Patras 2:6

Sonot sostorre ol menakʼa, Ńelpe, mitʼṭecʼ damanakʼ dhiriń bachao doho akawana; ona do Sion reakʼ konac dhiri lekateń, bạisạu akada. Ar okoe unireye pạtiạukʼ uni do oka lekate hõ bae lajao ocokʼa.

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Sereńko 102:21

Onate eṭakʼ jạtren ar rajosṭiko tinre Probhu Isor sewawae lạgitʼ mitʼ ṭhenko jarwakʼa, unre Probhu Isorakʼ ńutum do Sionre porcarokʼa.

Sereńko 9:11

Probhu Isor do Sionre menaea; ape do unige õṛhẽ sereńaepe. Ar uni okae kạmiakatʼ ona do eṭakʼ jạtrenko ṭhen lại sodorpe;

Esra 3:1

Israelko do apan ạpin ato ar nagrahare girobasokʼko ehopʼen tayom eaeakʼ candore sanam hoṛko do mitʼ domte Jerusalemreko jarwayena.

2 Bõsbudạ 30:1

Probhu Isor ńutumte bańcaokʼ porobokʼ lạgitʼ hoṛko do jemon Jerusalemre Probhu Isorakʼ oṛakʼreko hijukʼ ona iạte Hiskiạ do sanam Israel ar Jihudạre khobore kolkeda ar Ephrayim ar Manase gusṭiren hoṛko ciṭhiye olatʼkoa. Raj ar uniren gutiko ar Jerusalemren sanam hoṛko do, dosarakʼ candore bańcaokʼ porobko porobokʼa menteko goṭa ṭhikkeda. Ona reakʼ karon do hoyokʼkana, ḍher naekeko do apnartetʼ bako sapha akan tahẽkana ar hoṛko hõ Jerusalemre bako hecʼ jarwa akan tahẽkante jao okte ona do bako kạmi daṛeakatʼ tahẽkana.

1 Bõsbudạ 28:1

Dạud do Israelren sanam kạmiyạko Jerusalemre hijukʼ lạgitʼe hukumatʼkoa. Onate sanam lạṛhại birko hecʼlena. Onko doko tahẽkana eṭakʼ eṭakʼ khũṭren mukhiạko, rajren gelbar goṭen lạṛhại phạdkoren senapotiko, hajar ar saeko cetanren senapotiko, raj ar rajren hoponkoakʼ sompotti ńel todarotko hoṛko, raj oṛakʼren kạmiyạko ar lạṛhại birko.

1 Bõsbudạ 15:29

Probhu Isorakʼ bondobos sinduk do tinre Dạudakʼ nagrahate seṭerena unre Sạulren hoponera Mikạl do jalna khone oyoṅ akatʼ tahẽkana. Ar Dạud raj do enejokʼ ar rạskạ joṅe ńelkede khan uni do mon monte Dạude nihạ̃tkedea.

1 Bõsbudạ 15:3

Ar Probhu Isorakʼ sinduk lạgitʼ Dạud okare ṭhạ̃iye ṭhik dohoakatʼ tahẽkan onḍe ạgui lạgitʼ uni do sanam Israelko mitʼ ṭhene jarwaketʼkoa.

1 Bõsbudạ 11:7

Inạ tayom Dạud do ona gaṛre girobasokʼe ehopʼena; onate ona nagraha do Dạud nagrahako metatʼa.

1 Rapajko 3:15

Inạ tayom Solomon doe ebhenena are bujhạukeda, uni doe kukmũkan tahẽkana. Tayomte Solomon do Jerusalemteye ruạṛ calaoena ar Probhu Isorakʼ goha tạmbu samaṅreye teṅgoyena ar ạḍi utạr janwarkote jeredokʼ samaṅokʼakʼ ar sulukren samaṅokʼakʼe samaṅkeda. Ar ona tayom do acʼren sanam kạmiyạko lạgitʼ mitʼṭecʼe bhojkeda.

2 Samuel 6:6

Ado Nakhonakʼ khạrại ṭhenko seṭeren khan ḍaṅgra dokin tohotʼena; ar Us do tiye lahaketʼte Isorakʼ sinduke sapʼkeda.

Josuạ 24:1

Inạ tayom Josuạ do Israelren sanam gusṭirenko Sikemre mitʼ ṭhene jarwaketʼkoa. Uni do Israelren murubbiko, mathako, bikʼcạrko ar kạmiyạkoe hohowatʼkoa. Onkate onko do Isor samaṅreko hạjirena.

Josuạ 23:2

Mitʼ din uni do sanam Israelko, metakʼme onkoren mukhiyạko, mathako, bikʼcạrko ar kạmiyạko hohowatʼkoteye metatʼkoa, “Ńelpe, iń do aema umer hoyakantińạ, ariń haṛamena.

Numeri 1:4

Onko do mimitʼ gusṭi khon mitʼ hoṛkate amko goṛowama, ar uni hoṛ do onko gusṭiren mathae hoyokʼa.

1 Rapajko 2:10

Inạ tayom Dạud do acʼren hapṛamko ṭhene calaoena ar uni do Dạudakʼ nagrahareko topakedea.