1 Rapajko 7:8 - সান্তালী বাইবেল

⁸ Ar acʼakʼ tahen oṛakʼ do bikʼcạr oṛakʼ tayomre inạ mitʼ lekageye benao ocokeda. Pharaoren okoeṭakʼ hoponerae baplalede uni lạgitʼ hõ inạ lekage ar mitʼṭecʼ oṛakʼe benao ocokeda.

1 Rapajko 7:8 Referans Kwoze

2 Bõsbudạ 8:11

Solomon do Pharaoren hoponera lạgitʼ okaṭakʼ oṛakʼe benaoletʼ tahẽkan uni do Dạud nagraha khon onḍeye ạgukedea. Uni doe menkeda, “Ińren bạhu do Israelren raj Dạudakʼ oṛakʼre do bae tahena, ente okako jaegare Probhu Isorakʼ sinduk ạgu hoylen onako ṭhạ̃i do sonotgea.”

1 Rapajko 3:1

Solomon do Misorren raj Pharaoren hoponerae baplakedete uni tulucʼ gatekʼ reakʼe ehopʼkeda. Solomonakʼ raj gaṛ, Probhu Isorakʼ oṛakʼ ar Jerusalem beṛhaete pạcri ạuriye sạt hạbicʼ acʼren bạhu do Dạudakʼ nagrahareye dohokedea.

1 Rapajko 9:24

Pharaoren hoponera do Dạud nagraha bạgikate acʼ lạgitʼ benao akatʼ raj dolanteye hecʼen khan Solomon do Milo nagrahae benaokeda.

2 Rapajko 20:4

Ar Jesaea do raj oṛakʼ reakʼ tala raca ạuriye paromokʼrege uni ṭhen Probhu Isorakʼ niạ katha sodorena,

1 Rapajko 7:9

Raj dolan reakʼ maraṅ bakher raca ar sanam dolanko reakʼ rehetʼ khon chat hạbicʼ jotoge ṭhik jokhate getʼakʼ damanakʼ dhirite benaolena. Ona dhiriko do ạrikote somante getʼakʼ tahẽkana.

1 Rapajko 9:16

Inạ lahare Misorren Pharao raj do Geser hatkate seṅgelteye ḍahao marao akatʼ tahẽkana ar onḍeko tahẽkan Kananrenko doe gocʼletʼkoa. Tayomte ona jaega do acʼren hoponera, metakʼme, Solomonren bạhu ńutumte baplare dan sandes lekateye emlena.