1 Rapajko 7:4 - সান্তালী বাইবেল

⁴ Oṛakʼ beṛhaeteakʼ bhit samna sạmni do pe sạrte jalna dohoyena.

1 Rapajko 7:4 Referans Kwoze

Jeheskel 41:26

Pinḍạre batako emakawatʼ jalnako reakʼ banarsa aṛe ar bhitkore do khijur dare muṭhạnkoge rokʼ benao tahẽkana. Ona chaḍa mundil oṛakʼ reakʼ bhit ar sor kandhakore hõ khijur dare muṭhạnkoge rokʼ benao tahẽkana.

Jeheskel 40:36

Ona reakʼ pahradar kandhako, banar khunṭi ar bolokʼ kandha do eṭakʼakʼko leka inạ mitʼ jokhage tahẽkana. Eṭakʼ phaṭok duạrko lekage noa phaṭok duạrre hõ jalna tahẽkana. Phaṭok duạr do mõṛẽgel moka jeleń ar osar do bargel mõṛẽ moka tahẽkana.

Jeheskel 40:33

Ar pahradarkoakʼ kandhako, kham khunṭikin ar bolokʼ kandhako do eṭakʼakʼko leka inạ mitʼ jokhage tahẽkana. Eṭakʼ phaṭok duạrko lekage noa phaṭok duạrre hõ jalna tahẽkana. Phaṭok duạr do mõṛẽgel moka jeleń ar bargel mõṛẽ moka osar tahẽkana.

Jeheskel 40:29

Ona phaṭok duạr reakʼ pahradarkoakʼ kandhako, banar kham khunṭikin ar mucạtʼ reakʼ kandha do eṭakʼakʼko leka inạ mitʼ jokhage tahẽkana. Ar eṭakʼ phaṭok duạrko lekage noa phaṭok duạrre hõ jalna tahẽkana. Phaṭok duạr reakʼ jokha do mõṛẽgel moka jeleń ar bargel mõṛẽ moka osar tahẽkana.

Jeheskel 40:25

Eṭakʼ phaṭok duạrko leka niạ phaṭok duạrkore jalnako tahẽkana. Phaṭok duạr do mõṛẽgel moka jeleń ar osar do bargel mõṛẽ moka tahẽkana.

Jeheskel 40:22

Ona reakʼ jalnako ar ses utạrakʼ kandha ar kham khunṭiko reakʼ khijur dare muṭhạnko do ar purub duạr lekage tahẽkana. Ar onḍe rakabokʼ reakʼ eae goṭecʼ siṛhi dhap tahẽkana ar phaṭok duạr mucạtʼ simạnare ona kandha do tahẽkana.

Jeheskel 40:16

Kandhako reakʼ bahre bhitre ar kham khunṭikin sor reakʼ bhitre jạli emakʼ jalna tahẽkana, ar phaṭok reakʼ mucạtʼre oka kandha tahẽkan ona reakʼ bhitrehõ onage tahẽkana; nonkate phaṭok duạr reakʼ bhitkore do onkan jalnako tahẽkana. Ona chaḍa banar kham khunṭire do khijur dare muṭhạnko rokʼ akan tahẽkana.

Jesaea 54:12

Amakʼ cuṛạko do podmorag mạnikteń benaoa, ar amakʼ phaṭok duạr do surjokanto mạnikkote ar amakʼ pạcri bhitko do damanakʼ dhirikoteń benaoa.

1 Rapajko 7:5

Duạr reakʼ cạukaṭko do pon kona tahẽkana; ar jalnako hõ pe sạrte samna sạmni benao tahẽkana.

1 Rapajko 6:4

Oṛakʼ reakʼ bhitko lạgitʼ do uricʼ batakoanakʼ khiṛkiye benaoada.

1 Rapajko 7:3

Khunṭi cetanre bạisạu akatʼ saṅghako cetanre do debdạru kaṭteko dapʼkeda; ar mimitʼ goṭecʼ sạrre gelmõṛẽ goṭecʼkate pongel mõṛẽ goṭecʼ saṅgha tahẽkana.