1 Rapajko 7:39 - সান্তালী বাইবেল

³⁹ Uni do mundil oṛakʼ reakʼ dạkhin secʼ mõṛẽ goṭecʼ ar utạr secʼ mõṛẽ goṭecʼ gaṛsãoḍiye dohokeda; ar dạkhin purub konare do mitʼṭecʼ maraṅ okocʼ gamlae dohokeda.

1 Rapajko 7:39 Referans Kwoze

2 Bõsbudạ 4:10

Ar maraṅ utạrakʼ karahe do raca reakʼ dạkhin purub kona secʼreye dohokeda.

2 Bõsbudạ 4:6

Uni do gel goṭecʼ karaheye benao ocokeda ar mõṛẽ goṭecʼ do dạkhin secʼre ar mõṛẽ goṭecʼ do utạr secʼreye dohokeda. Onakore do jeredokʼ samaṅokʼakʼ jiniskoko ạrupʼ saphayetʼ tahẽkana, menkhan naekeko do ona maraṅakʼ karahege akoakʼ ti jaṅga ạbukokʼ lạgitʼko beoharetʼ tahẽkana.

1 Rapajko 7:38

Uni do mimitʼ gaṛsãoḍiko lạgitʼ mitʼṭecʼ kate pitạl reakʼ gel goṭecʼ gamlae benao ocokeda. Mimitʼ gamla reakʼ beṛ do pon moka osar tahẽkana ar onare irạl sae irạl gel liṭar dakʼ sahobokʼkan tahẽkana.

1 Rapajko 7:40

Ona chaḍa uni do eṭakʼ eṭakʼ bhajanko, bạṭiko ar kạ̃ṛchuko hõe benaokeda. Nonkate Hiram do Probhu Isorakʼ oṛakʼ lạgitʼ Solomon raj hotete okako kạmiye ehopʼletʼ onae sạtkeda. Onako do hoyokʼkana:

2 Bõsbudạ 4:7

Ar okaleka roṛlen onkage uni do gel goṭecʼ sona reakʼ diuhe dohowakʼe benao ocoketʼte koejoṅ oṛakʼ talare dạkhin secʼre mõṛẽ goṭecʼ ar utạr secʼre mõṛẽ goṭecʼe dohokeda. Ona chaḍa uni do gel goṭecʼ ṭebile benao ocoketʼte koejoṅ oṛakʼ bhitrire mõṛẽ goṭecʼ do dạkhinre ar eṭakʼ mõṛẽ goṭecʼ do utạrreye dohokeda. Uni do mitʼsae sona reakʼ bạṭiko hõe benao ocokeda.

2 Bõsbudạ 5:1

Nonkate Solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Onako uni do Isorakʼ oṛakʼ reakʼ dhon bhanḍarreye dohokada.