1 Rapajko 7:29 - সান্তালী বাইবেল

²⁹ Ar ona pat cetanre do dhạcri kul, daṅgra ar Kerubakʼ muṭhạnko tahẽkana ar dhạcri kul ar daṅgra latarre do baha leka noksa akawatʼ tahẽkana. Gaṛsãoḍi reakʼ cetan pherem sãote bạisạu akatʼ mitʼṭecʼ gamla dohoy lạgitʼ binḍi tahẽkana.

1 Rapajko 7:29 Referans Kwoze

Johan sodor 5:5

Tayomte murubbiko modren mitʼ hoṛe metadińạ, “Alom raga. Jihudạ bõsren dhạcri kul, one okoe doe Dạud bõsren kan, uni doe jitạu akana. Unige ona eae goṭecʼ mohor chapko raṛakate puthiye oṭakʼ daṛeakʼa.”

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Ibriko 9:5

Ona sunduk cetanre Isorakʼ ṭhonokte perecʼ sonaren barea Kerubkin tahẽkana. Unkinakʼ phạ̃kṛạ̃kte ona sunduk reakʼ ḍhaknakin umulakatʼ tahẽkana. Noa ḍhaknare do kạiko hạrupʼkakʼkan tahẽkana. Menkhan noako reakʼ ńitokʼ do khode khod babo roṛ daṛeakʼkana.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Jeheskel 10:14

Onko mimitʼkoakʼ do poneakate mẽtʼãhã tahẽkana, pạhilakʼ do Kerub leka, dosarakʼ do manwa leka, tesarakʼ do dhạcri kul leka ar ponakʼ do pajhaṛ leka.

Jeheskel 1:10

Onkoakʼ mẽtʼãhã reakʼ muṭhạn do manwa muṭhạn lekage tahẽkana ar onko mimitʼkoakʼ jojomsa aṛe reakʼ muṭhạn do dhạcri kulakʼ mẽtʼãhã leka, ar leṅga secʼakʼ muṭhạn do ḍaṅgra mẽtʼãhã leka ar mitʼṭenkate pajhạṛ cẽṛẽyakʼ mẽtʼãhã leka hõ tahẽkantakoa.

1 Rapajko 7:25

Ona karahe do gelbar goṭecʼ pitạlren ḍaṅgrako cetanre doṛom akan tahẽkana; onko modre pea do utạr secʼ, pea do pạchim secʼ, pea do dạkhin secʼ, pea do purub secʼko samaṅ akatʼ tahẽkana ar onkoakʼ ṭiki do bhitri secʼ tahẽkana.

1 Rapajko 6:27

Sonot utạrakʼ ṭhạ̃ire uni do Kerubkinakʼ phạ̃kṛạ̃kʼ do laplapageye dohokatʼ tạkina. Mitʼṭecʼ Kerubakʼ phạ̃kṛạ̃kʼ do mitʼṭecʼ bhitre ar eṭagicʼ Kerubakʼ phạ̃kṛạ̃kʼ do eṭakʼ bhite joṭetʼ tiyokʼ akatʼ tahẽkana ar oṛakʼ talare unkinakʼ eṭakʼ phạ̃kṛạ̃kʼkin do apan ạpin phạ̃kṛạ̃kʼ reakʼ agaltetʼkin jopokʼ tiyokʼ akatʼ tahẽkana.

Exodus 37:7

Daya duṛupʼakʼre sonaren barea Kerube benaoketʼkina, unkin Kerub doe koṭecʼ benaoketʼkinạ.

Exodus 25:18

Ona daya duṛupʼakʼre sonaren barea Kerubem benaokinạ.

Genesis 3:24

Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.

1 Rapajko 7:28

Gaṛsãoḍi beṛhaeteakʼ pitạl reakʼ pat do pheremre bạisạu tahẽkana.

1 Rapajko 7:30

Mimitʼ goṭecʼ gaṛsãoḍi do pitạl reakʼ kuṭhạ sudhạ pitạl reakʼ ponea caka tahẽkana. Ar gamla doṛomokʼ lạgitʼ pon konare pitạl reakʼ ponea ṭibhi tahẽkana. Ona hõ bahako lekage noksa akawatʼ tahẽkana.