1 Rapajko 7:23 - সান্তালী বাইবেল

²³ Ona tayom Hirạm do pitạl reakʼ chãńcreye dulketʼte dakʼ dohoy lạgitʼ maraṅ okocʼ mitʼṭecʼ gulạnḍge karaheye benao ocokeda, ona karahe reakʼ kaṅkha khon kaṅkha hạbicʼ jokha do gel moka tahẽkana, khạndri do mõṛẽ moka, ar kaṅkha beṛhaeteakʼ jokha do pegel moka tahẽkana.

1 Rapajko 7:23 Referans Kwoze

2 Bõsbudạ 4:2

Ona tayom uni do pitạl reakʼ chãńchreye dulketʼte dakʼ dohoy lạgitʼ maraṅ okocʼ mitʼṭecʼ gulạnḍge karaheye benao ocokeda. Karahe reakʼ kaṅkha khon kaṅkha hạbicʼ jokha do gel moka tahẽkana, khạndri do mõṛẽ moka ar kaṅkha beṛhaeteakʼ jokha do pegel moka tahẽkana.

2 Rapajko 25:13

Babelrenko do Probhu Isorakʼ oṛakʼ reakʼ pitạl tham khunṭi kin, pitạl reakʼ ganḍoko ar pitạl reakʼ maraṅakʼ luihạ do rạputʼ khanḍa khunḍikate Babelteko idikeda.

Jirimiạ 52:17

Babelrenko do Probhu Isorakʼ oṛakʼ reakʼ pitạl reakʼ tham khunṭi kin, pitạl reakʼ ganḍoko ar pitạl reakʼ maraṅakʼ luihạ do rạputʼ khanḍa khunḍikate Babelteko idikeda.

Jirimiạ 52:20

Solomon raj do Probhu Isorakʼ oṛakʼ lạgitʼ okaṭakʼ barea tham khunṭi, maraṅ karahe ar ona latar reakʼ gelbar goṭecʼ pitạlren ḍaṅgrako ar okako bhajane benaoletʼ tahẽkan ona reakʼ sanam pitạlko do ojon daṛekokʼ khon hõ ḍherge tahẽkana.

1 Bõsbudạ 18:8

Uni do Ṭibhot ar Kun ńutumanakʼ Hoddesorakʼ barea nagraha khon ạḍi utạr rupạkoe ạgukeda. Niạko rupạtege Solomon do maraṅ okocʼ karahe ar tham khunṭiko ar rupạ reakʼ eṭakʼ eṭakʼ jiniskoe benao ocokeda.

Exodus 38:8

Uni do pitạl reakʼ mitʼṭecʼ bhajane benaokeda. Ar okoeko maejiu sapʼdapʼ kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onkoakʼ pitạl reakʼ ạrsite ona bhajan ar ona reakʼ ganḍokoe benaokeda.

2 Rapajko 16:17

Ahas raj do bhajan bạisạu akan binḍi aṛe reakʼ sanam patkoe getʼ giḍikada ar onḍe khon bhajankoe ocokʼ giḍikada. Pitạlren ḍaṅgrako cetanre oka maraṅ okocʼ karahe bạisạu tahẽkan ona ocokʼ giḍikatʼte uni do mitʼṭecʼ dhiri cetanreye dohokada.

1 Rapajko 7:22

Sikiyạm baha leka goṛhon pitạl reakʼ muthnikin do ona khunṭikin cetanrege bạisạu tahẽkana. Ar nonkate ona khunṭi benao reakʼ kạmi do sạtena.

1 Rapajko 7:44

maraṅ okocʼ karahe ar ona latarren gelbar goṭen ḍaṅgrako;

Exodus 30:17

Ona tayom Probhu Isor do Moseye metadea,

2 Rapajko 16:15

Ona tayom Ahas raj do Uriạ naeke noae hukumadea, “Ona maraṅ pinḍ cetanre do setakʼ reakʼ jeredokʼ samaṅokʼakʼ ar ạyupʼ bela reakʼ anaj samaṅokʼakʼ porobem porobokʼa. Ona chaḍa ona cetanre rajakʼ jeredokʼ samaṅokʼakʼ ar anaj samaṅokʼakʼ ar disạmren sanam hoṛkoakʼ jeredokʼ samaṅokʼakʼ ar onkoakʼ anaj samaṅokʼakʼ ar coḍorokʼ samaṅokʼakʼem samaṅa. Sanam jeredokʼ samaṅokʼakʼ ar eṭakʼ janwar samaṅokʼakʼ reakʼ mãyãm do ona pinḍ cetanrem irciwakʼa. Menkhan Isorakʼ hukum ńam lạgitʼ do ona pitạl reakʼ pinḍgeń beohara.”

Jirimiạ 27:19

Babelren raj Nebukadnesar do Jehoyakimren hopon Jihudạren raj Jekoniạ, Jihudạ ar Jerusalemren mukhiyạko Jerusalem khon Babelte idiko jokhecʼ oka tham khunṭikin, maraṅ bhajan, doṛomakʼko ar eṭakʼ okako jinisko bako idiakatʼ onako reaṅ phạdkoren Probhu Isor doe meneda,