1 Rapajko 7:14 - সান্তালী বাইবেল

¹⁴ Uniren eṅgattetʼ do mitʼṭecʼ rạnḍi maejiu ar Naphtali gusṭiren hoponerae tahẽkana. Uniren apattetʼ do Turren hoṛe tahẽkana. Ar Hiram do pitạl kạrigole tahẽkana. Hiram do pitạl reakʼ sanam lekan kạmikoe baḍaekan tahẽkana ar ona kạmire uni do ạḍi gạkhuṛ kạrigole tahẽkana. Uni do Solomon raj ṭhene hecʼena ar okako kạmiye emocoyen onakoe kạmikeda.

1 Rapajko 7:14 Referans Kwoze

2 Bõsbudạ 4:16

karaheko, kạ̃ṛchuko ar jel rakapʼakʼ kạ̃ṛchuko hõ tahẽkana. Hirạm do Solomon rajakʼ hukumte Probhu Isorakʼ oṛakʼ lạgitʼ okako jiniskoe benaoletʼ ona do jhak jhak pitạl reakʼ tahẽkana.

2 Bõsbudạ 2:14

Uniren eṅgat do Dan gusṭikoren hoponera kanae ar uniren apattetʼ do Turren hoṛ kanae. Uni do sona, rupạ, pitạl, mẽṛhẽtʼ, dhiri, kaṭ ar beguni, jeṅgetʼ arakʼ, nil sutạm ar mihi musnạ sutạm reakʼ kạmi ạḍi bhageye baḍaea. Ar joto lekan lakʼ rokʼ kạmire uni doe gạkhuṛgea ar jãhã lekan nạmuna reakʼge uni do kạmi daṛeakʼa. Uni do aperen kạrigolko sãote ar ińren kĩsạ̃ṛ, amren ạpum Dạudren kạrigolko sãoteye kạmiya.

Jesaea 28:26

Uniren Isorge uni doe hukumaea ar ṭhik hor reakʼe cetʼaea.

2 Bõsbudạ 4:11

Ona chaḍa Hirạm do eṭakʼ eṭakʼ bhajanko, bạṭiko ar kạ̃ṛchukoe benaokeda. Nonkate uni do Isorakʼ oṛakʼ lạgitʼ Solomon raj hotete okako kạmiye ehopʼletʼ onae sạtkeda. Onako do hoyokʼkana:

Exodus 36:8

Okoe hoṛko kạmikan tahẽkan onko modren gạkhuṛ kạrigolko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benaoakʼ gel goṭecʼ orwal kicricʼte ńapamokʼ tạmbuko benaokeda. Ar gạkhuṛ kạrigol hotete onare Kerubkoakʼ muṭhạnko dohokeda.

Exodus 35:30

Inạ tayom Mose do Israelkoe metatʼkoa, “Probhu Isor do Jihudạ khũṭren Hur goṛomtetʼ koṛa, metakʼme Uriạ hopon Besalele bachaoana ar acʼakʼ Jiuteye perecʼkedete uni do ạkilte, bidiạte ar sanam lekan kạmi reakʼ daṛeye emadea.

Exodus 28:3

Ar okoe gạkhuṛ kạrigolko akel emokʼicʼ jiuteń perecʼ akatʼko, onkom metakoa jemon onko do Aron lạgitʼ kicricʼko benaote naeke lekate iń sewawạń lạgitʼe begar doho ocokʼ.

Exodus 35:35

Probhu Isor do nana parkan ti reakʼ kạmi nil, beguni ar jeṅgetʼ arakʼ sutạm ar mĩhĩ musnạ sutạmte tiń ar galaṅakʼ noksa benao reakʼ ektiạri hõe ematʼkoa. Jemon onko do akoakʼ kusi leka nana parkan nokshako benao daṛeakʼa.

Exodus 36:1

“Onate sonot sekʼwa ṭhạ̃i cetʼleka benao hoyokʼa ona bujhạu lạgitʼ Probhu Isor do Besalel, Oholiab ar eṭakʼ kạrigolko hõ bud ar ạkile ematʼkoa jemon onko do Probhu Isorakʼ hukum leka jotowakʼko kạmi daṛeakʼ.”

2 Bõsbudạ 2:6

Menkhan uni lạgitʼ oṛakʼ do okoeye benao daṛekea? Ente serma, se serma rajrehõ uniyakʼ jaega do cetʼ okulạn hoyokʼa? Uni samaṅre eṭakʼ eṭakʼ samaṅokʼakʼ jinisko jeredokʼ ṭhạ̃i chaḍa ar cekate iń do uni lạgitʼ mitʼṭecʼ oṛakʼ iń benao daṛekea?