1 Rapajko 6:9 - সান্তালী বাইবেল

⁹ Nonkate uni do mundil oṛakʼe benaokeda ar sạt hõe sạtkeda. Uni do saṅgha ar debdạru reakʼ kaṭte ona reakʼ chat hõe dapʼkeda.

1 Rapajko 6:9 Referans Kwoze

1 Rapajko 6:38

Goṭawakʼ lekate mundil oṛakʼ reakʼ sanamakʼ kạmi do gelmitʼ bochor reakʼ Bul cando, metakʼme irạlakʼ candore sạt utạrena. Solomon do niạ mundil benao sạtte eae bochor lagaoade tahẽkana.

1 Rapajko 6:14

Solomon do nonkate mundil oṛakʼe benao sạtkeda.

1 Rapajko 6:8

Latar mahlate bolokʼ reakʼ duạr do mundil oṛakʼ reakʼ dạkhin secʼre tahẽkana; ar onḍe khon mitʼṭecʼ siṛhi do bar mahla ar ona tayom do pe mahla hạbicʼ rakapʼ akana.

1 Rapajko 6:10

Mundil oṛakʼ reakʼ pe aṛege uni do thoṛa kandhakoe benao ocokeda. Ona kandhako reakʼ usultetʼ do mõṛẽ moka tahẽkana ar debdạru kaṭ reakʼ saṅghate chate benao ocokeda. Ona saṅgha reakʼ mitʼ secʼ do mundil oṛakʼ bhit reakʼ khap cetanre dohoyena.

Soros sereń 1:17

Alaṅakʼ oṛakʼ reakʼ koaliko do Debdạru dareko kana ar saro dare do alaṅakʼ oṛakʼ reakʼ koṭha kana.

Exodus 40:33

Pinḍ ar sekʼwa tạmbu beṛhaete uni do orwale ṭaṅgaokeda ar racae benaokeda ar duạr reakʼ orwale emada. Nonkate Mose do acʼakʼ kạmiye sạtkeda.

1 Rapajko 7:51

Nonkate solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Ar uni do Probhu Isorakʼ oṛakʼ reakʼ khajańci kandhare onakoe dohokeda.

1 Rapajko 9:25

Probhu Isor ńutumte Solomon do okaṭakʼ pinḍe benaoletʼ onḍe uni do bochorre pe dhao jeredokʼ samaṅokʼakʼ ar sulukren samaṅokʼakʼ porobe hoyocoyetʼ tahẽkana. Ona sãote uni do Probhu Isor samaṅre dhupko hõe jeretʼetʼ tahẽkana. Onate Solomon do, Salom mundil reakʼ joto kạmigeye sạt akatʼ tahẽkana.