1 Rapajko 6:6 - সান্তালী বাইবেল

⁶ Latar mahla reakʼ kandhako do mõṛẽ moka osar, ar dosar mahla reakʼ kandhako do turui moka osar ar tesar mahla reakʼ kandhako do eae moka kate osar tahẽkana, ente mundil oṛakʼ bhit reakʼ bahre secʼ doe khap akawatʼ tahẽkana. Onate ona pe mahla oṛakʼ benao lạgitʼ mundil reakʼ bhitre jãhãn saṅghako lagao do jạṛuṛ baṅ hoylena.

1 Rapajko 6:6 Referans Kwoze

1 Rapajko 6:5

Ar asolakʼ kandha ar sonot utạrakʼ ṭhạ̃i reakʼ pe aṛe bhit jalatʼte pe mahla mitʼṭecʼ oṛakʼe benaokeda. Ar onare ạḍi utạr khuṛpikoe dohokeda.

1 Rapajko 6:7

Khạdre okako dhiri lakʼ rokʼkate benao hoylen eken onage ạgukate mundil oṛakʼ benaoreko beoharkeda. Ar mundil oṛakʼ tinreko bekʼnaokan tahẽkana unre onḍe do jãhãn kuṭạsi, se ṭeṅgocʼ se jãhãn mẽṛhẽtʼ reakʼ saḍege baṅ ańjomlena.

Jeheskel 41:6

Ona kandhako do mitʼṭecʼ cetanre ar mitʼṭecʼ nonkate pe mahla tahẽkana; mimitʼ mahlare pegel kate kandhako tahẽkana. Kandhako reakʼ bhar do mundil oṛakʼ bhit reakʼ pe secʼge khap tahẽkana. Kandhako reakʼ bim do ona tak cetanre doṛom tahẽkana, mundil oṛakʼ reakʼ bhitre bhorao do baṅ tahẽkana.

2 Bõsbudạ 3:1

Solomon do Jerusalem reakʼ Mạriạ burure Probhu Isorakʼ oṛakʼ benao lạgitʼe ehopʼena. Niạ bururege Jibusiạ Arownakʼ khạrạire Probhu Isor do uniren apat Dạud ṭhene ńel ocolena. Ar Dạud do niạ ṭhạ̃ige koejoṅ oṛakʼ lạgitʼe ṭhik dohoakatʼ tahẽkana.