1 Rapajko 6:16 - সান্তালী বাইবেল

¹⁶ Mundil oṛakʼre sonot utạrakʼ ṭhạ̃i ńutumanakʼ mitʼṭecʼ bhitri kandha benao lạgitʼ uni do mundil oṛakʼ reakʼ tayom secʼre bargel moka jaega do ot khon chad hạbicʼ debdạru kaṭteye begarkeda.

1 Rapajko 6:16 Referans Kwoze

2 Bõsbudạ 3:8

Ona tayom uni do sonot utạrakʼ ṭhạ̃iye benaokeda. Ona do bargel moka osar ar bargel moka jeleńe dohokeda. Ar bhitri do bargel pe ṭon ponsae keji khạṭi sonateye tolkeda.

1 Rapajko 8:6

Ona tayom naekeko do Probhu Isorakʼ bondobos sinduk niṭ akatʼ ṭhạ̃ire, mundil oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.

Ibriko 9:3

Dosarakʼ orwal tayomre tạmbu reakʼ ar mitʼ hạṭiń tahẽkana; ona reakʼ ńutum do sonot utạrakʼ jaega.

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Jeheskel 45:3

Ona sonot ṭhạ̃i reakʼ tala khon bargel mõṛẽ hajar ḍaṅ jeleń ar gel hajar ḍaṅ osar mitʼṭecʼ hĩsem jokha dohokakʼa. Noa hĩsrege mundil oṛakʼ, metakʼme sonot utạrakʼ ṭhạ̃i do tahena.

1 Rapajko 6:5

Ar asolakʼ kandha ar sonot utạrakʼ ṭhạ̃i reakʼ pe aṛe bhit jalatʼte pe mahla mitʼṭecʼ oṛakʼe benaokeda. Ar onare ạḍi utạr khuṛpikoe dohokeda.

Exodus 26:23

ar tayom secʼ reakʼ banar konac lạgitʼ arhõ barea paṭam benao ocoya.

1 Rapajko 6:17

Sonot utạrakʼ ṭhạ̃i samaṅ reakʼ asolakʼ maraṅ kandha do pongel moka jeleń tahẽkana.

1 Rapajko 7:7

Bikʼcạr oṛakʼ ńutumte uni do mitʼṭecʼ oṛakʼe benaokeda; onḍe do uniyakʼ siṅghạson tahẽkana. Noa oṛakʼ do bikʼcạr lạgitʼ benao hoyena. Oṛakʼ reakʼ bhit do latar khon cetan hạbicʼ debdạru kaṭteye esetʼkeda.

Jeheskel 41:4

Ona tayom uni do bhitri kandhae jokhakeda; ona do jeleńte bargel moka ar osarte bargel moka tahẽkana. Uni do ińe metadińạ, “Noa do sonot utạrakʼ ṭhạ̃i kana.”