1 Rapajko 6:1 - সান্তালী বাইবেল

¹ Misor disạm khon Israelkoko oḍok hecʼen tayom ponsae irạl gelakʼ bochorre Israelko cetanre Solomonakʼ rajokʼ ponakʼ bochor reakʼ Sib candore, metakʼme dosar candore Solomon do Probhu Isorakʼ oṛakʼ benaoe ehopʼena.

1 Rapajko 6:1 Referans Kwoze

Aposkạmi 7:47

menkhan Solomonge uni lạgitʼ oṛakʼ doe benaoleda.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

1 Rapajko 6:37

Probhu Isorakʼ oṛakʼ do Ponakʼ bochor reakʼ Sib candore rehetʼ bạisạulena.

Ibriko 11:10

ente oka nagraha tahẽ utạrokʼ uni do ona nagraha reakʼ koyokʼ horreye tahẽkana. Ona nagraha reakʼ noksa ar gathao rakab reakʼ kạmi do Isorgeye kạmiakada.

Ibriko 9:11

Menkhan Mạsi do darakan joto bhageakʼren maraṅ naeke lekategeye hecʼlena. Uni do artetʼ bhage ar artetʼ mońj sewa tạmbure Isorakʼ sewa lạgitʼgeye hecʼlena. Noa tạmbu do manwa tite benaowakʼ do baṅkana, metakʼme ona do dhạrti reakʼ jãhãn jinis hõ baṅkana.

Kolossiko lạgitʼ Pạul Apostolakʼ ciṭhi 2:7

Mạsire rehedokʼte unire benao rakabokʼpe. Ar cecetʼakʼ ńamkate okape pạtiạu akan onarege kajak akan tahenpe ar jao okte Isor gun manao joharaepe.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

Sakariạ 6:15

“Okoe sạṅgińre menakʼko onko do hecʼkate Probhu Isorakʼ oṛakʼ benao lạgitʼ goṛoko emokʼa. Unre ape dope baḍae daṛeakʼa, phạdkoren Probhu Isorge iń doe kol akadińạ. Ape do joton salakʼ aperen Probhu Isorakʼ kathape ańjomtaea enḍe anecʼ noako do purạukʼa.”

Bikʼcạrko 11:26

Teheń pe sae bochor Israelko do Hesbon ar Aroer nagraha ar ona aḍepase reakʼ ato ar Arnon gaḍa aṛe secʼteakʼ sanam atokorele girobasokʼ kana. Inạko dinre cedakʼ am do onako arhõ bam hatleda?

Numeri 1:1

Israelko Misor disạm khonko oḍok hecʼen tayom dosar bochor reakʼ dosar cando reakʼ pạhil hilokʼ Probhu Isor do sinại hahaṅkarre ńapamokʼ tạmbure Mose galmaroadeteye metadea,

Aposkạmi 13:19

Ona tayom Kanan disạmren eae jạtrenkoe maraoketʼkote acʼren hoṛko ona disạm cetanre ạidạriye ematʼko tahẽkana.

1 Rapajko 6:2

Solomon raj do Probhu Isor lạgitʼ oka oṛakʼe benaoletʼ ona do jeleńte turuigel moka, osarte bargel moka ar usulte pegel moka tahẽkana.

1 Bõsbudạ 6:10

Johananren hopon Asariạ. Uni do Jerusalemre Solomone benaoletʼ mundilre naeke reakʼe kạmiyetʼ tahẽkana.

Esra 5:11

Onko doko roṛ ruạṛatʼlea, “Ale do ot ar sermaren Isorren golam kanale. Ale do ona mundil oṛakʼ arhõle benao aroyeda oka do Israelren mitʼṭen maraṅ raj ḍher serma lahareye benaoletʼ tahekan.

Sereńko 78:69

Onḍe uni do acʼakʼ sonot oṛakʼ usulgeye benaokeda, ona do serma ṭuṅgạu hạbicʼge tahẽkana; uni do dhạrti lekage onae benaokeda.

Hagae 1:8

Ape do ńitokʼ burure decʼkate kaṭ ạguiype ar koejoṅ oṛakʼ benaope, jemoniń kusikʼ ar manotiń ńam.

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

2 Bõsbudạ 3:3

Isorakʼ oṛakʼ benao lạgitʼ uni do jokha lekate turuigel moka jeleń bargel moka osar rehetʼe bạisạukeda.

Jeheskel 41:1

Ona tayom uni do mundil oṛakʼ reakʼ maraṅ kandha ṭhen hecʼkate duạr reakʼ banar paya khunṭiye jokhakeda; banar secʼakʼ paya khunṭi do osarte turui mokakate tahẽkana;