1 Rapajko 5:7 - সান্তালী বাইবেল

⁷ Hiram do Solomon ṭhen khon niạ katha ańjomkate ạḍi kusiyenteye menkeda, “Teheń do Probhu Isorakʼge sarhao hoyokʼtaema, ente noko maraṅ jạtrenko cetanre rajokʼ lạgitʼ Dạud do nonkan mitʼṭecʼ ạkilan hopone dan akawadea.”

1 Rapajko 5:7 Referans Kwoze

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Kạhtukko 23:24

Dhoromicʼren apat doe hulạsokʼa; ar ạkilanicʼren apat do acʼren hopon hoteteye rạskạkʼa.

Jesaea 8:18

Nokʼõe ńelpe, iń ar onko hoponko okoe do Probhu Isore emakawạdiń. Uni phạdkoren Probhu Isor, okoe do Sion burureye tahẽnkan ale do uniren cinhạkole hoyakana.

Kạhtukko 15:20

Ạkilan hopon do apatakʼ jionre rạskạko ạguiya, menkhan khaṭo bujan hoṛ do eṅgattetʼe nihạ̃tea.

Kạhtukko 13:1

Ạkilan hopon do apatakʼ sikhạunae ańjoma, menkhan landa dhutʼicʼ hoṛ do nisṛạu bae hetawakʼa.

Kạhtukko 10:1

Solomonakʼ dhorom sopolha. Ạkilan hopon do apatakʼ jionre rạskại ạguiya, menkhan bebuj hopon do eṅgatakʼ jionre duke ạguiya.

Sereńko 137:6

Amiń disạ doholem khan ar Jerusalem do ińakʼ joto khon rạskạ reakʼ jinis mente bạń hudis lekhan, enḍekhan alaṅ do ińakʼ tạrurege jalatʼ hapekokʼma.

1 Rapajko 10:9

Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Genesis 33:5

Tayomte Esau do onko maejiu ar gidrạko secʼe beṅgetʼketʼteye kulikedea, “Am sãote noko doko okoe kana?” Jakobe menkeda, “Isor do dayate amren guti noko gidrạkoe emakadea.”

1 Rapajko 5:6

“Onate hukum emokʼme iń lạgitʼ Lebanon disạm khon debdạru dareko jemon makʼ ạgukʼ. Ińren hoṛ hõ amren hoṛko sãoteko tahena ar am cetʼleka mujurim ṭhik dohoako onkage iń do amren hoṛkoń emakoa. Entem baḍaegea Sidonrenko do dare makʼ ar gegetʼreko gạkhuṛgea.”

1 Rapajko 5:8

Hiram do Solomon noa khobore kol ruạṛadea, “Amem kol akatʼ khobor doń ńamakada. Debdạru ar saro kaṭ reaṅ do amakʼ joto monsubạgeń purạutama.

1 Rapajko 4:7

Solomon do sanam Israelko cetanre gelbar goṭen cakʼlaokoe bahalketʼkoa. Onko do raj ar raj gharońjrenko lạgitʼ jomakʼko juṛạuetʼ tahẽkana. Onko mimitʼko do bochorre mitʼ candokate jomakʼko jogaṛ akokan tahẽkana.