1 Rapajko 5:5 - সান্তালী বাইবেল

⁵ Ona iạte iń do ińren Probhu Isor ńutumte mitʼṭecʼ mundil iń benaoa. Probhu Isor do ińren ạpuńe metade tahẽkana, ‘amren okoeṭakʼ hopon do amakʼ siṅghạsonreń duṛube unige iń lạgitʼ mitʼṭecʼ mundile benaoa.’

1 Rapajko 5:5 Referans Kwoze

1 Bõsbudạ 22:10

Unige iń lạgitʼ mitʼṭecʼ oṛakʼe benaoa. Uni do ińren hopone hoyokʼa ar iń do uniren apatiń hoyokʼa. Israelko cetanre uniyakʼ rajosṭi do jaejug hạbicʼ tahentaea.’

1 Bõsbudạ 17:12

Amren uni hoponge iń lạgitʼ mitʼṭecʼ oṛakʼe benaoa, ar uniyakʼ siṅghạson do jaejug hạbicʼ tahena.

1 Bõsbudạ 28:6

Uni do ińe men akawạdińạ, ‘amren hopon Solomon kangeae uni hoṛ, okoe do ińakʼ oṛakʼ ar bakher racae benaoạń, ente ińge ińren hopon hoyokʼ lạgitʼ iń bachao akawana ar iń do uniren apatiń hoyokʼa.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

1 Rapajko 8:19

Tobe oṛakʼ do alom benaoa, ona do amren hopongeye benaoa, okoe doe amren hoponkange. Unige iń lạgitʼ oṛakʼe benaoa.’

Levitikus 25:18

“Ińakʼ niạm manaope ar ińakʼ ạn-ạriko senakʼpe; onate disạmre khạtirjomape girobasokʼa.

Levitikus 25:19

Unre ape do jumi khon purạ phosolpe ńama ar lacʼ bikʼpe jomte khạtirjomape tahena.

Dosar Biboron 33:28

Onate Israel do khạtirjomae tahena. Jakob reakʼ jharna do eskarge tahena; onḍe do ḍher phosol ar nãwã darkha rasa hoyokʼa, ar onare do serma reakʼ sisir dakʼe jorowakʼa.

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

2 Rapajko 18:31

“Ape do Hiskiạwakʼ katha alope ańjoma. Ạsurren raje meneda, ‘ape do iń tulucʼ sulukokʼpe ar iń ṭhen oḍok hijukʼpe. Enḍekhan ape do uniyakʼ darkha bagwan reakʼ jo ar loa dare reakʼ jope joma ar apnarakʼ kuń khon dakʼpe ńũiya.

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Sakariạ 3:10

Enhilokʼ ape mimitʼko do apeakʼ darkha nạ̃ṛĩ ar loa dare buṭạre duṛubokʼ lạgitʼ ape ạḍepaseren hoṛkoń neotakoa. Iń phạdkoren Probhu Isorge noa katha doń meneda.’ ”