1 Rapajko 5:4 - সান্তালী বাইবেল

⁴ Menkhan ńitokʼ ińren Probhu Isor do joto secʼ khon sulukteye dohoakadińạ. Ar ńitokʼ do cele bạirige bạnukʼkotińa ar jãhãn ghoṭna hõ baṅ hoyakana.

1 Rapajko 5:4 Referans Kwoze

1 Bõsbudạ 22:9

Menkhan amren do mitʼṭen koṛa hopone hoyokʼtama uni do suluke kusiyakʼa. Uni do beṛhaeten bạirikoakʼ ti khon sulukteń dohokaea. Uniyakʼ ńutum do Solomon dohokʼtaea (metakʼme, monre suluk), ente uniyakʼ rajokʼ oktere Israelko do suluk ar nirạiteko tahena.

1 Rapajko 4:24

Solomon do Phurạt gaḍa pạchim secʼ reakʼ sanam rajosṭiko, metatʼme Tipsa khon Gasa hạbicʼe rajokʼkan tahẽkana ar uniyakʼ rajosṭi reakʼ sanam jaegakore do suluk tahẽkana.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 72:7

Uniyakʼ rajokʼre Isor botoraeko do bạ̃ṛti bhor jemonko ńam; ar tinạkʼ din ńindạ candoe tahen unạkʼ din onkoakʼ jion do bhạlạiyte perejokʼ takoma.

2 Samuel 7:5

“Am do senkate ińren guti Dạudem metaea, Probhu Isore meneda, ‘ińakʼ tahen lạgitʼ am do cetʼ mitʼṭecʼ oṛakʼem benaoa?

Josuạ 15:47

Asdad ar ona aḍepase reakʼ jaega ar atoko, Misor reakʼ rohoṛ gaḍa ar jalapuri aṛe reakʼ Gasa ar ona aḍepase reakʼ sanam jaega ar onako atokoko ńamleda.

1 Rapajko 5:18

Solomon ar Hiramren mistriko ar Gibearenko do ona dhiriko getʼkate mundil oṛakʼ benao lạgitʼ kaṭ ar dhiriko sapṛaoetʼ tahẽkana.

1 Rapajko 11:25

Solomon tinạkʼ din jiwetʼe tahẽkan unạkʼ din Reson do Israelko sãote bạiriye tahẽkana ar onako dinre Hadad hõ Israelko upạrteye kạmikan tahẽkana. Israelko upạrte mitʼṭen bạiri menkate Reson do Aram disạmreye rajokʼkan tahẽkana.

2 Rapajko 18:8

Gasa ar onako ṭoṭha talare Philisṭiko okakoreko girobasokʼ kan tahẽkan uni do onkoe akromonketʼkoa are bhagaoketʼkoa.

Esra 4:20

Daṛean rapajko do Jerusalem khon phurạt gaḍa pạchim aṛe reakʼ goṭa ṭoṭhako rajokʼ kan tahẽkana ar onḍenko hoṛko hõ khajna, bheja ar mạsulko emokʼkan tahẽkana.