1 Rapajko 5:3 - সান্তালী বাইবেল

³ “Baḍaegeam ińren ạpuń Dạud do beṛhaeten bạiriko tulucʼe lạṛhạikan tahẽkana, ar Probhu Isor do uniren bạiriko ạuriye jaṅga latarko hạbicʼ uni do acʼren Probhu Isor ńutumte jãhãn dewa sewa oṛakʼ bae benao akatʼ tahẽkana.

1 Rapajko 5:3 Referans Kwoze

1 Bõsbudạ 28:3

Menkhan Isor doe metadińạ, ‘iń lạgitʼ oṛakʼ do alom benaoa, ente am do mitʼṭen lạṛhại bir kanam ar am do mãyãmem joro ocoakada.’

1 Bõsbudạ 22:8

Menkhan Probhu Isor do noa kathae baḍae ocokedińa, ‘am do aema mãyãmem joro ocoakada ar ạḍi dhaoem lạṛhại akana. Iń lạgitʼ oṛakʼ do alom benaoa, ente dhạrtire am do ińakʼ mẽtʼ samaṅre aema mãyãmem joro ocoakada.

1 Korinthiko 15:25

Isor do tin hạbicʼ Mạsiren sanam bạiriko uniyakʼ jaṅga latarre bae dohoko un hạbicʼ Mạsi doe rajokʼa.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

Sereńko 8:6

Amakʼ tite sirjạu reakʼ cakʼlao bhar do unigem emakawadea ar noako jotowakʼ do uniyakʼ jaṅga latarrem dohoakada.

Josuạ 10:24

Onko raj do tinre Josuạ ṭhenko ạguketʼkoa unre uni do sanam Israelkoe hohowatʼkoa ar acʼ sãote okoeko senapoti lạṛhạiko senlen onkoe metatʼkoa, “Dela hijukʼpe ar noko rajko totkare lebetʼkope.” Onate onko do sen sorkate rajkoakʼ totkako lebetʼketʼtakoa.

Ephesiko lạgitʼ Pạul Apostolakʼ ciṭhi 1:22

Isor do sanamakʼge Mạsiyakʼ jaṅga latarreye dohoakada ar jotowakʼre ektiạriye emakawadea, ar unige manḍerren matha menteye dohokedea.

1 Rapajko 8:19

Tobe oṛakʼ do alom benaoa, ona do amren hopongeye benaoa, okoe doe amren hoponkange. Unige iń lạgitʼ oṛakʼe benaoa.’

1 Bõsbudạ 28:2

Ar Dạud raj do teṅgoyente onkoe metatʼkoa, “E ińren boehako ar ińren hoṛko, ińakʼ katha baṛe luturakʼpe. Probhu Isorakʼ bondobos sinduk lạgitʼ, metakʼme aleren Isorakʼ jaṅga dohoytae lạgitʼ mitʼṭecʼ oṛakʼ benao reakʼ mone tahẽkantińạ, ar iń do ona benao lạgitʼ hõń sapṛaolena.

Dosar Biboron 14:5

jhaṅkaṛ, selepʼ jel, ṭiklạkʼ jel, bir merom, bhạ̃uṭiạ jel, ar kạpil gại.

2 Bõsbudạ 9:4

Uni do arhõe ńelkeda uniyakʼ ṭebil reakʼ jomakʼ, uniren kạmiyạkoakʼ tahen jaega, mońj horokʼ bande akatʼ uniren sapʼsosorko, uniren darkha rasa dudulko ar ona siṛhi, one okaṭakʼ siṛhite uni do Probhu Isorakʼ oṛakʼteye rakapʼ calakʼkan tahẽkan. Ar noako ńelte uni doe ṭhak utạrena.

Nehemiạ 5:17

Ona chaḍa hõ Jihudi ar cetan hudạren kạmiyạko mod khon mitʼsae mõṛẽgel hoṛko ar aḍepase jạtrenko khon okoe do ale ṭhenko hijukʼkan tahẽkan onko do ale sãoteko jom-ńũiyetʼ tahẽkana.

Nehemiạ 5:18

Dinạm hilokʼ mitʼṭen ḍaṅgra, turui goṭen bachao akan bheḍa ar adom adom cẽṛẽko do iń lạgitʼko isinetʼko tahẽkana, ar gel mãhã por por sanam lekanakʼ darkha rasa ińko ạguwạńkan tahẽkana. Menkhan iń do tishõ disạm cakʼlaoyicʼakʼ jomakʼ jinis do bạń dạbileda, ente niạko dạbiteakʼ do hoṛko cetanre hamal bojha leka tahẽkana.