1 Rapajko 5:17 - সান্তালী বাইবেল

¹⁷ Mundil oṛakʼ reakʼ rehetʼ gathao lạgitʼ onko do rajakʼ hukumte ghaḍlakʼ khon maraṅ maraṅ damanakʼ dhiriko la ạguiyetʼ tahẽkana.

1 Rapajko 5:17 Referans Kwoze

1 Bõsbudạ 22:2

Etạkʼ jạtren okoeko hoṛ do Israel disạmreko girobasokʼ kan tahẽkan Dạud do onko jarwako lạgitʼe hukumkeda. Onko mod khon uni do dhiri lakʼ rog lạgitʼ hoṛkoe bachaoana jemon onko do Isorakʼ oṛakʼ benao lạgitʼ dhiriko lakʼ rokʼ daṛeakʼ.

1 Rapajko 6:7

Khạdre okako dhiri lakʼ rokʼkate benao hoylen eken onage ạgukate mundil oṛakʼ benaoreko beoharkeda. Ar mundil oṛakʼ tinreko bekʼnaokan tahẽkana unre onḍe do jãhãn kuṭạsi, se ṭeṅgocʼ se jãhãn mẽṛhẽtʼ reakʼ saḍege baṅ ańjomlena.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

1 Rapajko 7:9

Raj dolan reakʼ maraṅ bakher raca ar sanam dolanko reakʼ rehetʼ khon chat hạbicʼ jotoge ṭhik jokhate getʼakʼ damanakʼ dhirite benaolena. Ona dhiriko do ạrikote somante getʼakʼ tahẽkana.

2 Samuel 7:5

“Am do senkate ińren guti Dạudem metaea, Probhu Isore meneda, ‘ińakʼ tahen lạgitʼ am do cetʼ mitʼṭecʼ oṛakʼem benaoa?

2 Samuel 22:39

Onko doń marao giḍi akatʼkoa, ariń gejer caba akatʼkoa, ar alo jemonko beretʼ daṛeakʼ; ente ińakʼ jaṅga latarreko ńurakana.

1 Bõsbudạ 22:8

Menkhan Probhu Isor do noa kathae baḍae ocokedińa, ‘am do aema mãyãmem joro ocoakada ar ạḍi dhaoem lạṛhại akana. Iń lạgitʼ oṛakʼ do alom benaoa, ente dhạrtire am do ińakʼ mẽtʼ samaṅre aema mãyãmem joro ocoakada.