1 Rapajko 4:3 - সান্তালী বাইবেল

³ Sisraren banar hopon Elihoreph ar Ahiạ do rajren olokʼ hoṛ kin tahẽkana; Ahiludren hopon Jehosaphat do Itihãs olokʼicʼe tahẽkana;

1 Rapajko 4:3 Referans Kwoze

2 Samuel 8:16

Seruyaren hopon Joab do uniren maraṅ subedare tahẽkana ar Ahiludren hopon Jehosaphat do uniyakʼ rajosṭi reakʼ sanam itihãskoe ol dohoyetʼ tahẽkana.

Jesaea 62:6

E Jerusalem, iń do amakʼ pạcri bhit cetanre pahradarkoń bahal akatʼkoa; onko do siń ar ńindạ hape akan do bako tahena. E pahradarko, tis hạbicʼ Probhu Isor do Jerusalem bae bạisạue ar dhạrtire sarhaoanicʼ mente bae teṅgo rakabe unhạbicʼ Probhu Isor do acʼakʼ gokʼakʼ reakʼ katha disạwaepe; alope jirạukʼa ar uni hõ alope jirạu ocoaea.

1 Bõsbudạ 18:15

Seruaren hopon Joab do uniren maraṅ subedare tahẽkana ar Ahiludren hopon Jehosaphat do uniyakʼ rajokʼ reakʼ jotowakʼko Itihãs puthireye ol caṛhaoetʼ tahẽkana.

1 Bõsbudạ 18:6

Dạud do Aram rajosṭi reakʼ Damesekre lạṛhại phạdkoe dohoketʼkoa. Onate Aramrenko do uni gobolre tahen hoyentakote khajna emaeko ehopʼena. Nonkate Dạud do jãhã jaegateye calakʼkan tahẽkan onḍege Probhu Isor do uniye jitạu ocoyede tahẽkana.

1 Samuel 14:3

onko modre do Ahiạ ńutuman mitʼ hoṛe tahẽkana ar uniyakʼ hoṛmore do ephod tahẽkantaea. Ahiạ do Ehiṭubren hopone tahẽkana, ar Ahiṭub do Ikabotren boehae tahẽkana, ar Ikabot do Pinehasren hopone tahẽkana ar Pinehas do Eliren hopone tahẽkana; ar Eli do Silore Probhu Isorren naekeye tahẽkana. Unre Jonathanakʼ oḍok calakʼ reakʼ katha do okoege bako baḍaekan tahẽkana.

2 Samuel 20:23

Joab do Israelren sanam lạṛhại phạdkoren maraṅ subedare tahẽkana ar Jehoyada hopon Benaya do Dạudren rurukhiyạko Kerithiko ar Pelethikoren subedare tahẽkana;