1 Rapajko 4:29 - সান্তালী বাইবেল

²⁹ Isor do jalapuri aṛe reakʼ gitil leka asambheṛ bud ạkil ar bicạr chinḍạu ar bujhạu reakʼ daṛe Solomone danadea.

1 Rapajko 4:29 Referans Kwoze

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Kạhtukko 2:6

ente Probhu Isorge ạkil doe emokʼ kana, uniyakʼ moca khonge bud ar ạkil do oḍokokʼ kana.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Jesaea 60:5

Ona ńelte am do rạskạtem kharsalakʼa, ar hulạstem perejokʼa; jalapuri reakʼ dhon do am ṭhenko ạguiya, ar jạt jạtrenkoakʼ dhon do am ṭhen hijukʼa.

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

Genesis 41:49

Nonkate uni do jalapuri reakʼ gitil leka asambheṛ jomakʼe doho jarwakeda. Ar nunạkʼ ḍher phosol dohoyena je, ona do soṅ khon hõ ḍherge tahẽkana. Onate uni do ar bae soṅleda.

Jirimiạ 33:22

Ińren guti Dạudren hoponko ar okoe Liwiko do iń samaṅre teṅgokate sekʼwa reakʼko kạmikan onko do sermaren ipil lekako saṅgekʼa, ar ohogeko lekha caba daṛelena.”

Sosolhayic̕ 1:16

Iń do mone moneteń menkeda, “Iń lahate okoe Jerusalemreko rajokʼkan tahẽkan onko khon iń do ạkilteń sorosgea; ińakʼ bud ar ạkil do ḍhergetińạ.”

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Habakkuk 1:9

Onko do santao lạgitʼgeko hijukʼkana. Onkoren maraṅ phạdko doko laha hijukʼkana ar gitil leka alekha hoṛko bondi idikoa.

Sereńko 119:32

Amakʼ hukumko reakʼ horteń ńir calakʼa, ente am do ińakʼ ontorem jhicʼakatʼ tińạ.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.