1 Rapajko 4:26 - সান্তালী বাইবেল

²⁶ Solomonakʼ rãt gạḍi lạgitʼ do pongel hajar oṛakʼ ar gelbar hajar aswariko tahẽkana.

1 Rapajko 4:26 Referans Kwoze

2 Bõsbudạ 1:14

Solomon do ạḍi utạr rãt gạḍiko ar sadomkoe jogaṛketʼkoa. Onate uniyakʼ do mitʼ hajar ponsae rãt gạḍiko ar gelbar hajar sadomko hoyentaea. Ar noako rãt gạḍi do nagrahakore ar Jerusalemre acʼ ṭhene dohokeda.

2 Bõsbudạ 9:25

Sadom ar rãt gạḍiko lạgitʼ Solomonakʼ do pon hajar oṛakʼ tahẽkana. Uniren do gelbar hajar aswariko tahẽkana; onko do rãt gạḍi dohoy reakʼ nagrahakore ar Jerusalemre apnar ṭhene dohoyetʼko tahẽkana.

2 Samuel 8:4

Dạud do acʼren mitʼ hajar eae sae aswariko ar bargel hajar otten lạṛhại phạdkoe hatketʼkoa. Onkoren mitʼsae rãt gạḍiren sadomko dohokate sarecʼ sanam sadomkoakʼ do jaṅga sire samakʼketʼtakoa.

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

1 Rapajko 4:27

Disạm cakʼlaoko do akoakʼ pạli reakʼ candore Solomon raj ar uniyakʼ ṭebilre okoeko jometʼkan tahẽkan onko sanamko lạgitʼ jomakʼko jogaṛetʼ tahẽkana. Arko ńel todarotetʼ tahẽkana jemon okaṭakʼ reakʼ hõ uniyakʼ ṭonṭa alo hoyokʼtae.

1 Rapajko 9:19

acʼakʼ sanam gola-nagrahako ar rãt gạḍiko ar aswariko lạgitʼ nagrahakoe benaokeda, metakʼme, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona do jotogeye benaokeda.