1 Rapajko 4:25 - সান্তালী বাইবেল

²⁵ Solomonakʼ jionre Jihudạ ar Israel, metakʼme, Dan khon Berseba hạbicʼ sanamkoge apan ạpin darkha nạ̃ṛĩ ar loa dareko tahẽkana ar onko do khạtirjomako girobasokʼ kan tahẽkana.

1 Rapajko 4:25 Referans Kwoze

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Sakariạ 3:10

Enhilokʼ ape mimitʼko do apeakʼ darkha nạ̃ṛĩ ar loa dare buṭạre duṛubokʼ lạgitʼ ape ạḍepaseren hoṛkoń neotakoa. Iń phạdkoren Probhu Isorge noa katha doń meneda.’ ”

2 Rapajko 18:31

“Ape do Hiskiạwakʼ katha alope ańjoma. Ạsurren raje meneda, ‘ape do iń tulucʼ sulukokʼpe ar iń ṭhen oḍok hijukʼpe. Enḍekhan ape do uniyakʼ darkha bagwan reakʼ jo ar loa dare reakʼ jope joma ar apnarakʼ kuń khon dakʼpe ńũiya.

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

Jeheskel 38:11

Arem mena, nonkan mitʼṭecʼ disạmre jhãpiń ema one oka reakʼ atokore pạcri bạnukʼ. Am do sulukte ar khạtirjoma tahen hoṛko cetanre jhãpem ema one okoe do pạcri, phaṭok duạr, ar huṛkạṛ chaḍageko girobasokʼ kan.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

2 Samuel 24:15

Ar Probhu Isor do unre setakʼ khon ehopʼkate niṭ akatʼ okte hạbicʼ Israel cetanre mitʼṭecʼ mahamạriye kolkeda. Onate Dan khon Ber-seba hạbicʼ goṭa disạmren hoṛko tala khon eaegel hajar hoṛko gocʼena.

2 Samuel 17:11

“Onate noa sopolhań emam kana: Dan khon Ber-seba hạbicʼ doreão aṛe reakʼ alekha gitil leka Israelren sanam hoṛ am ṭhenko jarwakʼma ar am hõ onko tulucʼ lạṛhại oḍok calakʼme.

1 Samuel 3:20

Onate Dan ṭoṭha khon Berseba hạbicʼ sanam Israelko doko baḍaekeda, Samuel do Probhu Isorren mitʼṭen nạbiye hoyakana.

1 Bõsbudạ 22:9

Menkhan amren do mitʼṭen koṛa hopone hoyokʼtama uni do suluke kusiyakʼa. Uni do beṛhaeten bạirikoakʼ ti khon sulukteń dohokaea. Uniyakʼ ńutum do Solomon dohokʼtaea (metakʼme, monre suluk), ente uniyakʼ rajokʼ oktere Israelko do suluk ar nirạiteko tahena.

Jesaea 36:16

“Hiskiạwakʼ katha do alope ańjoma. Ạsurren raje meneda, ‘iń tulucʼ sulukokʼpe ar iń ṭhen oḍok hijukʼpe. Enḍekhan ape do apan ạpin darkha bagwan reakʼ jo ar apan ạpin loa dare reakʼ jope joma ar apnarakʼ kuń khon dakʼpe ńũiya.

Jeheskel 39:26

Ar onko do akoakʼ disạmre tinre khạtirjomako girobasokʼa ar okoehõ bako botor ocokoa ar unre iń upạrteko kạmiletʼ akoakʼ lajao ar sanam bepạtiạrakʼko hiṛińạ.