1 Rapajko 4:24 - সান্তালী বাইবেল

²⁴ Solomon do Phurạt gaḍa pạchim secʼ reakʼ sanam rajosṭiko, metatʼme Tipsa khon Gasa hạbicʼe rajokʼkan tahẽkana ar uniyakʼ rajosṭi reakʼ sanam jaegakore do suluk tahẽkana.

1 Rapajko 4:24 Referans Kwoze

1 Bõsbudạ 22:9

Menkhan amren do mitʼṭen koṛa hopone hoyokʼtama uni do suluke kusiyakʼa. Uni do beṛhaeten bạirikoakʼ ti khon sulukteń dohokaea. Uniyakʼ ńutum do Solomon dohokʼtaea (metakʼme, monre suluk), ente uniyakʼ rajokʼ oktere Israelko do suluk ar nirạiteko tahena.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

Genesis 10:19

Sidon nagraha khon Gerare calakʼ horre Gaja hạbicʼ ar Gaja khon Sodom, Gomora, Adma ar Seboyim calakʼ horre Lasa hạbicʼ Kananrenkoakʼ reakʼ simạ do tahẽkana.

Luk 2:14

“Sermare Isorakʼ ṭhonok dhạrtire suluk, manwakore kusi.”

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 72:3

Uniyakʼ dhorom kạmi talate hoṛko lạgitʼ buru ḍuṅgrikote esetʼakan disạm do bhạlạiyte perejokʼma.

1 Rapajko 5:4

Menkhan ńitokʼ ińren Probhu Isor do joto secʼ khon sulukteye dohoakadińạ. Ar ńitokʼ do cele bạirige bạnukʼkotińa ar jãhãn ghoṭna hõ baṅ hoyakana.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

Bikʼcạrko 16:1

Mitʼdin Samson do Gasate senkate mitʼṭen kusumbi kuṛiye ńelkedea ar uni ṭhene boloyena.

Bikʼcạrko 1:18

Jihudạ gusṭiren hoṛko do Gasa, Askelon ar Ekron nagraha ar onako aḍepase reakʼ jaegako hatkeda.

1 Rapajko 4:23

gel goṭen posao ḍaṅgra, ạtiń ṭạnḍiren bargel ḍaṅgra ar mitʼsae bhiḍiko; ona chaḍa jhaṅkar jel, selepʼ jel, ṭiklạkʼ jel, lodgopʼ lodgopʼ sim-geḍeko.

2 Bõsbudạ 9:26

Uni do Phurạt gaḍa khon Philisṭikoakʼ disạm ar Misor disạm reakʼ simạ hạbicʼren rapajko cetanreye rajokʼkan tahẽkana.

Jirimiạ 47:1

Pharao do Gasa ạuriye akromonre Philisṭiko babotre Probhu Isorakʼ noa katha do Jirimiạ nạbi ṭhen sodorena,