1 Rapajko 4:22 - সান্তালী বাইবেল

²² Solomon lạgitʼ dinạm hilokʼ okako jomakʼ jạruṛokʼkan tahẽkan ona do nonka leka: mõṛẽ ṭon tala holoṅ, gelmitʼ ṭon suji,

1 Rapajko 4:22 Referans Kwoze

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

1 Rapajko 4:23

gel goṭen posao ḍaṅgra, ạtiń ṭạnḍiren bargel ḍaṅgra ar mitʼsae bhiḍiko; ona chaḍa jhaṅkar jel, selepʼ jel, ṭiklạkʼ jel, lodgopʼ lodgopʼ sim-geḍeko.

Nehemiạ 5:18

Dinạm hilokʼ mitʼṭen ḍaṅgra, turui goṭen bachao akan bheḍa ar adom adom cẽṛẽko do iń lạgitʼko isinetʼko tahẽkana, ar gel mãhã por por sanam lekanakʼ darkha rasa ińko ạguwạńkan tahẽkana. Menkhan iń do tishõ disạm cakʼlaoyicʼakʼ jomakʼ jinis do bạń dạbileda, ente niạko dạbiteakʼ do hoṛko cetanre hamal bojha leka tahẽkana.

1 Samuel 8:12

Uni do acʼ lạgitʼ adom do hajarko cetanre, adomko do mõṛẽgelko cetanre senaputiye dohokoa. Ar eṭakʼko do acʼakʼ jumi cas ar phosol samṭao kạmire ar lạṛhại reakʼ khanḍa bhanḍa ar rãt gạḍiko reakʼ soroṅjamko benao lạgitʼe lagaokoa.

1 Rapajko 5:11

Ar Solomon hõ Hiram ar uniyakʼ oṛakʼren hoṛkoakʼ jomakʼ lạgitʼ pe hajar turui sae ṭon guhum ar pon hajar irạl sae liṭar jạitun reakʼ sunume emadea. Nonkage Solomon do bochorke bochor onae emadea.

1 Rapajko 10:5

Uni do arhõe ńelkeda uniyakʼ ṭebil reakʼ jomakʼ, uniren kạmiyạkoakʼ tahen jaega, mońj mońj horokʼ bande akatʼ uniren sapʼsosorko, uniren darkha rasa dudulko ar ona siṛhi, one okaṭakʼ siṛhite uni do Probhu Isorakʼ oṛakʼteye rakapʼ calakʼkan tahẽkan. Ar noako ńelte uni doe ṭhak utạrena.

2 Bõsbudạ 9:4

Uni do arhõe ńelkeda uniyakʼ ṭebil reakʼ jomakʼ, uniren kạmiyạkoakʼ tahen jaega, mońj horokʼ bande akatʼ uniren sapʼsosorko, uniren darkha rasa dudulko ar ona siṛhi, one okaṭakʼ siṛhite uni do Probhu Isorakʼ oṛakʼteye rakapʼ calakʼkan tahẽkan. Ar noako ńelte uni doe ṭhak utạrena.

Kạhtukko 24:4

Ạkil reakʼ goṛote kandhako do daman ar mońj mońj jisinkote perejokʼ kana.

Sosolhayic̕ 5:11

Sompotti ḍherlen khan jojom hoṛ hõko ḍherokʼa. Onaren mạlik do onako beṅgetʼakʼ chaḍa ar cetʼ lab hoyokʼtaea?

Daniel 1:5

Raj do acʼakʼ jomakʼ khon din hilokʼ reakʼ jomakʼ ar darkha rasa emako reakʼ hõe hukumkeda. Nonkate pe bochor cetʼako tayom onko do raj ṭhenko ạgu ocokʼa.