1 Rapajko 4:13 - সান্তালী বাইবেল

¹³ Ramot Geliadre do Bin-Geber. Uni do Geliad Manasiren hopon Jayir reakʼ sanam ato ar Bason reakʼ Argab ṭoṭharen cakʼlaoicʼe tahẽkana. Argab ṭoṭha do pạcrite esetʼ ṭoṭha tahẽkana ar Rupạ reakʼ hurkạṛakʼ duạr sudhạ maraṅ maraṅ turuigel goṭecʼ atokoge.

1 Rapajko 4:13 Referans Kwoze

Dosar Biboron 3:4

Ona jokhecʼ abon do uniyakʼ ato ar nagrahako bon hatketʼtaea. Uniyakʼ turui gel goṭecʼ nagraha reakʼ joto nagrahage bon dokholkeda; ar mitʼṭen hõ babon sarecʼ oṭoleda. Goṭa Argog ṭoṭha, metakʼme Bason tala reakʼ Ogakʼ goṭa rajosṭige abo dobon dokhokeda.

Numeri 32:41

Jayer ńutuman Manaseren mitʼ bõsren hoṛ do senkate Amorikoakʼ atoko dokhol akatʼ tahẽkana ar onako reakʼ ńutum do Habot Jayerko dohokeda.

1 Rapajko 22:3

Israelren raj do acʼren kạmiyạkoe metatʼkoa, “Ramot Gilead je aboakʼkan ona do cetʼpe baḍaegea? Abo do Aramren raj ṭhen khon hatao ruạṛ lạgitʼ cetʼge babon ceka kana.”

Sereńko 68:15

Bashan buru reakʼ sạr do ạḍi utạr jaega hạbicʼ menakʼa; ar ona reakʼ cuṛạko do ạḍi utạra.

Sereńko 22:12

Iń beṛhaete sanḍ ḍaṅgra menakʼkoa; onko do Bashan disạmren daṛean bayarko lekako esetʼ ạcur akadińạ.

2 Rapajko 9:14

Ona tayom Jehosaphatren hopon, metakʼme Nimsiren goṛomtetʼ koṛa Jihu do Joram upạrteye soṛojontrokeda. Ona jokhecʼ Joram ar sanam Israelko do Ramot-Gilead rukhiyại lạgitʼ Aramren raj Hosael upạrteko lạṛhạikan tahẽkana.

2 Rapajko 9:1

Elisae do cela-nạbiko mod khon mitʼ hoṛ hohoadeteye metadea, “Ḍanḍa paṭhe keṭejme ar niạ sunum cukạkʼ hataokate am do Ramot-Gileadte calakʼme.

Josuạ 21:38

Gad gusṭirenkoakʼ jaega khon Gileadkoakʼ Ramot, Mahanayim, Hesbon ar Jaser ńutumanakʼ ponea ato ar ona sãoteakʼ ạtiń ṭạnḍiko emocoyena. Inạko modre Ramot do khũniạhiko lạgitʼ asrayokʼ nagraha tahẽkana.

Josuạ 20:8

Jerikho samaṅ jordan gaḍa reakʼ purub secʼ Ruben gusṭirenkoakʼ do bilạn ṭạnḍi hahaṅkar ṭoṭha reakʼ Beserre, Gad gusṭirenkoakʼ do Gilead reakʼ Ramotre ar Manase gusṭirenkoakʼ do Bason reakʼ Golanre asrayokʼ lạgitʼ nagrahako ṭhikkeda.

Dosar Biboron 3:8

“Ona jokhecʼ abo do Arnon gaḍa khon Hermon buru hạbicʼ jordan gaḍa purub secʼ reakʼ jaegako do nukin banar Amorikoren rajakʼ ti khon bon recʼ hataoan tahẽkana.

Dosar Biboron 3:10

Ar onako bilạn ṭạnḍi reakʼ sanam atoko ar nagrahako, goṭa Gilead ṭoṭha ar Basonren raj Ogakʼ rajosṭi Salka ar Edre hạbicʼ goṭa Bason disạmge abo dobon dokholkeda.