1 Rapajko 4:12 - সান্তালী বাইবেল

¹² Tanakre, Megidore ar Sorethan ṭhen ar Jesreyel dạkhin reakʼ Bet-San nagraha khon Abel Mehola ar Jokmea hạbicʼ Bet-San reakʼ sanam ṭoṭhare do Ahiludren hopon Bana cetanre tahẽkana.

1 Rapajko 4:12 Referans Kwoze

Josuạ 17:11

Isakar ar Asren gusṭikoakʼ simạna tala reakʼ Betʼ-Sean, Iblean ar onako aḍepase reakʼ sanam atoko do Manase gusṭirenkoko emoco akan tahẽkana. Ona chaḍa Dorren, En-Dorren, Tanak ar Magidoren hoṛko sudhạ niạko nagraha ar onako aḍeparen sanam atoko Manase gusṭirenko emocoakan tahẽkana. Ar mucạtʼ secʼ reakʼ pea nagraha ar onako sãoteakʼ atoko do buru ṭoṭhare tahẽkana.

1 Rapajko 19:16

Ona chaḍa Nimsiren goṛomtetʼ koṛa Jehu do Israelren raj mentem ojokʼ bahalea, ar amakʼ hudạre nạbi hoyokʼ lạgitʼ do Abel Meholaren Saphat hopon Elisayem ojogea.

Bikʼcạrko 5:19

Rapajkoko hecʼena arko lạṛhạiyena, unre Kananren raj doko lạṛhạiyena; Tanak ṭhen, Megido reakʼ dakʼko ṭhenge, menkhan mitʼ kuṭrạ rupạ hõ bako luṭana.

1 Rapajko 18:46

Unre Probhu Isorakʼ daṛe do Eliạ cetanre hecʼena. Uni do acʼakʼ kicricʼko ḍanḍareye rebetʼketʼte Ahab lahate Jesreyelteye ńir calaoena.

1 Rapajko 7:46

Jordan reakʼ bilạn ṭạnḍire Sukot ar Sorethan tala reakʼ mitʼ jaegare raj do noako jinis ot reakʼ chãcreye dul benao ocoleda.

1 Samuel 31:12

Unre onḍenko dilgiriạ hoṛ do goṭa ńindạ taṛamate senkate Betsam reakʼ pạcri bhit khon Sạul ar uniren hoponkoakʼ mạ̃ṛĩko pheḍkeda ar Jabeste idikate onḍeko atar giḍikeda.

1 Samuel 31:10

Ona tayom Sạulakʼ khanḍa bhanḍa hataokate Astarot reakʼ mundilreko dohokada ar uniyakʼ hoṛmo do Betsan nagraha reakʼ bhitreko akakada.

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Josuạ 12:22

Kedesren raj, Karmel reakʼ Jokneamren raj, Dorer reakʼ buru jaegaren Dorer raj, Gilgal reakʼ Goimren raj ar Tirsaren raj; nokoko raj do jotote pegel mitʼ hoṛko tahẽkana.

1 Samuel 18:19

Dạud sãote Sạulren hoponera Merabakʼ bapla reakʼ okte seṭeren khan ńelena Merabakʼ bapla do Dạud badkate Mehola atoren Adriyel sãote hoyentaea.