1 Rapajko 3:9 - সান্তালী বাইবেল

⁹ Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

1 Rapajko 3:9 Referans Kwoze

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Kạhtukko 16:16

Sona khon ạkil hameṭ joṅ do bhagea! Ar rupạ khon buj bachao joṅ hõ bhagea!

Ibriko 5:14

Okoekoakʼ umer hoyakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

Johan 5:30

Iń do apnarte cetʼge bạń ceka daṛeakʼa; cetʼlekań ańjoma onkageń bicạra. Iń do hok reakʼgeń bicạra, ente ińakʼ sana leka kạmi do bạń khojkana menkhan okoeye kol akadiń uniyakʼ menjoṅ lekageń kạmiya.

2 Samuel 14:17

“Ńitokʼ iń amren kạ̃ṛmĩ do noań hudiseda, ińren maharajakʼ katha jemon suluke imạń, ente boge-bạṛicʼ bicạrre ińren kisạ̃ṛ maharaj do Isorren mitʼṭen goḍet lekanicʼ kanae. Amren Probhu Isor do am sãotege baṛeye tahenma.”

1 Bõsbudạ 22:12

Probhu Isor do Israelko ḍanṭaoko reakʼ bhar tinre am cetanreye emokʼa unre uni do bud ar ạkil hõe jimạwama jemon amren Probhu Isorakʼ ạn-ạrikom dohoytae.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Ephesiko lạgitʼ Pạul Apostolakʼ ciṭhi 5:17

Onateń meneda, ape do bebujko alope hoyokʼa, bickom Probhu Isorakʼ sana cetʼ kana mente ona bujhạu joṅpe.

Sereńko 119:144

Amakʼ sanam kathako do jaejug dhoromte perecʼgea; ona bujhạu lạgitʼ daṛe emạńme jemon jiwetʼ iń tahẽ daṛeakʼ.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

2 Korinthiko 3:5

Menkhan apnarte jãhãnakʼ cekae reakʼ daṛe menakʼtalea mentele dạbi daṛeakʼa ona do baṅ, bickom ona lektetʼ do Isor ṭhen khonge hijukʼ kana.

Mathae 3:14

Menkhan Johan do noa menkateye mana manakadea, “Ińge coṅ am tite bạptis maṛaṅokʼ jạruṛtiń; ar amge cetʼ iń ṭhenem hijukʼ kana.”

Sosolhayic̕ 7:11

Ạkil do sompotti ńamakatʼ leka bhage jinis kana; jiwetʼ hoṛko lạgitʼ ona do sorosgea.

Kạhtukko 20:12

Ańjom lạgitʼ lutur ar ńeńel lạgitʼ mẽtʼ Probhu Isor do noa banargeye sirjạu akada.

2 Bõsbudạ 1:10

Iń do bud ar ạkil imạńme jemon ińakʼ dạyikiń purạu daṛeakʼ, ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Philipiko lạgitʼ Pạul apostolakʼ ciṭhi 1:10

Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiyakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ do ṭhonok ar sarhao hoyokʼtaea.

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Sosolhayic̕ 7:19

Gel goṭecʼ disạm cakʼlaoko nagraha tinạkʼ bako daṛe ocoy ạkil do mitʼṭen ạkilanicʼ hoṛ ona khon hõ bạ̃ṛtiye daṛe ocoyea.

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Kạhtukko 14:8

Acʼakʼ hore orom ona kangea budan hoṛakʼ ạkil do, menkhan chol kopoṭ do bebuj hoṛkoakʼ lelhatetʼge.

Sereńko 119:73

Amakʼ titege ińem tear akadińạ, arem benao rakapʼ akadińạ; iń bujhạu lạgitʼ daṛe imạńme jemon amakʼ sanam hukumkoń baḍae daṛeakʼ.

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

1 Rapajko 3:10

Solomon noae khojketʼte Probhu Isor do ạḍiye kusiyena.

1 Rapajko 10:24

Solomonakʼ ontorre Isor do oka ạkile emade ona ạkilte perecʼ katha ańjom lạgitʼ dhạrti reakʼ sanam disạm khon uni sãote ńapamokʼ lạgitʼko kurumuṭuyetʼ tahẽkana.

Jirimiạ 45:5

Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.