1 Rapajko 3:6 - সান্তালী বাইবেল

⁶ Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

1 Rapajko 3:6 Referans Kwoze

1 Rapajko 9:4

“Ar amren ạpum Dạud leka khạṭi ontorte, dhoromte iń samaṅrem taṛam ar ińakʼ sanam hukum ar ạn-ạrikom batao,

2 Korinthiko 9:11

Ape do joto secʼtegepe kisạ̃ṛokʼa jemon soṛa montepe dan daṛeakʼ, ar onatege ale hotete Isor do gun manao johare emocokʼa.

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

2 Korinthiko 9:5

Onate noko boehako lahare ape ṭhen calakʼ lạgitʼ nehõrako reakʼ jạruṛiń hudiskeda, jemon okaṭakʼ maraṅ dan emokʼ lạgitʼpe gokʼletʼ tahẽkan ona reakʼ onko do laharegeko sapṛao hataṛkakʼ. Ar ape ṭhen khon jormoṭte jãhãnakʼ do baṅ hataokʼa, bickom dan lekate okape emokʼ onage laha khon sapṛao dohokakʼpe.

Sereńko 119:17

Amren nui golam baṛe bhạlạiyeme jemon jiwetʼiń tahen ar amakʼ katha lekań sen daṛeakʼ.

Sereńko 116:7

E ińakʼ jiwi, arhõ khạtirokʼme, ente Probhu Isor do ḍhergeye bhạlại akatʼmea.

Sereńko 15:2

Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

2 Samuel 7:5

“Am do senkate ińren guti Dạudem metaea, Probhu Isore meneda, ‘ińakʼ tahen lạgitʼ am do cetʼ mitʼṭecʼ oṛakʼem benaoa?

Numeri 12:7

Menkhan ińren golam Mose sãote do bạń onka akada. Uni do ińakʼ gharońj reakʼ kạmireye pạtiạrgea.

Sereńko 13:6

Probhu Isorgeye bhạlại akadińạ, onate uni ńutumteń sarhao sereńa.

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

1 Rapajko 3:14

Amren ạpum Dạud leka ińakʼ sanam niạm ar hukumkom manao idi ar ińakʼ hortem taṛam enḍekhan ḍher diniń bahao ocomea.”

2 Bõsbudạ 1:8

Solomon do Isorre roṛ ruạṛadea, “Am do ińren ạpuń Dạud cetanre asambheṛ dulạṛem udukʼ akada ar uniyakʼ jaegare ińem raj akadińạ.

Genesis 24:40

“Uni doe metadińạ, ‘Probhu Isor, okoe doń botoraekan, unige acʼren goḍet am sãoteye kolea jemon amakʼ daṛanrem jo baha daṛeakʼ. Ar nonkate ińren babawakʼ oṛakʼte senkate ińren hoṛko modrenko khon mitʼṭen kuṛi do ińren hopon lạgitʼem bachaoea.

2 Samuel 22:21

Ińakʼ dhorom kạmi lekatege Probhu Isor doe dan akawạdińa, ińakʼ kạmi reakʼ napaetetʼ iạtege uni do kuṛạiye emadińạ;

2 Samuel 22:25

Onate Probhu Isor do kuṛạiye emakawạdińa uniyakʼ mẽtʼãhã samaṅrege dhorom kạmi lekate ińakʼ mońjakʼ kạmikote.