1 Rapajko 3:5 - সান্তালী বাইবেল

⁵ Gibeonre ńindạ jokhecʼ Probhu Isor do kukmũ talate Solomon ṭhene sodorena. Isor do uniye metadea, “Iń ṭhen okam khoj ona reakʼ jotowakʼge amiń emama.”

1 Rapajko 3:5 Referans Kwoze

1 Rapajko 9:2

Ona tayom Probhu Isor do dosar dhao uni ṭhene ńel ocoyena cetʼleka Gibeonre mitʼ dhaoe ńel ocolen.

Mark 10:36

Jisui metatʼkinạ, “Iń do aben lạgitʼ cetʼiń cekaea? Ar cetʼben khojkana?”

Mathae 2:13

Gonok ponḍetkoko calaoen khan Probhu Isorren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahẽ hataṛokʼme, ente Herod do gidrạ goje iạteye sendra lạgidokʼ kana.”

1 Rapajko 11:9

Onate Probhu Isor do Solomon cetanre ạḍitetʼe edreyena, ente okoe acʼ ṭhen bar dhaoe ńel ocolen uni Israelkoren Probhu Isor secʼ khon mon do ạcur akantae tahẽkana.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Mathae 2:19

Herode gocʼen khan Probhu Isorren mitʼṭen goḍet do Misor disạmre Joseph ṭhen kukmũte ńel ocoyenteye menkeda,

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniyakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Mark 11:24

Onateń metapekana, jãhãnakʼgepe koe arpe khoj, pạtiạukʼpe ape do onape ńam akada, ar ape lạgitʼ ona do hoyokʼgea.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.