1 Rapajko 3:4 - সান্তালী বাইবেল

⁴ Mitʼdin raj do janwar samaṅko lạgitʼ Gibeonteye senlena, ente dãṛẽ samaṅko lạgitʼ onḍenakʼ than boṭkocʼge maraṅ utạrakʼ tahẽkana. Ar Solomon do onḍe mitʼ hajar janwarkote jeredokʼ samaṅokʼakʼe samaṅkeda.

1 Rapajko 3:4 Referans Kwoze

2 Bõsbudạ 7:5

Solomon raj do bargel bar hajar ḍaṅgra ar mitʼ lakh bargel hajar bheḍae samaṅketʼkoa. Nonkate raj ar sanam Israelko do Isorakʼ oṛakʼko uḍhạukeda.

2 Bõsbudạ 1:3

Ona tayom uni ar sanam hoṛko do Gibiạn reakʼ ona than boṭkocʼ ṭhenko senena, ente Isorakʼ ńapamokʼ tạmbu do onḍege tahẽkana one okaṭakʼ do Probhu Isorren guti Mose hahaṅkarre tahẽkanreye benaoletʼ tahẽkan.

1 Bõsbudạ 16:39

Dạud do Gibeon reakʼ koejoṅ oṛakʼre Probhu Isorakʼ ḍera tạmbu samaṅre naeke Sadok ar uni sãoten naekekoe dohoketʼkoa.

1 Bõsbudạ 21:29

Hahaṅkarre Mose do Probhu Isor lạgitʼ oka ḍera tạmbui benaoletʼ ona ar jeredokʼ samaṅokʼakʼ pinḍ do ona jokhecʼ Gibeon reakʼ koejoṅ oṛakʼre tahẽkana.

Jesaea 40:16

Lebanon reakʼ kaṭ do sahan lạgitʼ baṅ kulạukʼa ar onaren janwarko hõ jeredokʼ samaṅokʼakʼ lạgitʼ bako kulạukʼa.

Josuạ 9:3

Jerikho ar Ae nagraha reakʼ Josuạ okae cekaletʼ ona reakʼ katha tinre Gibeon nagraharen Hiwikoko ańjomkeda unre onko do mitʼṭecʼ calakiko kạmikeda. Onkoren thoṛa hoṛ do Josuạ ṭhenko mohnḍayena. Onko do akoren gadha cetanre mare mare bosta ar oṛecʼ ar tạli akatʼ darkha rasa dohowakʼ harta reakʼ mare kumkoko ididarakeda.

2 Bõsbudạ 30:24

Jihudạren raj Hiskiạ do sanam hoṛko lạgitʼ mitʼ hajar ḍaṅgra ar eae hajar bhiḍikoe emena ar maraṅ hudạren hoṛko lạgitʼ do mitʼ hajar ḍaṅgra ar gel hajar bhiḍi. Ar naekeko modren ḍherkoge apnartetʼko saphayena.

1 Rapajko 8:63

Solomon raj do bargel bar hajar ḍaṅgra ar mitʼ lakh bargel hajar bheḍate sulukren samaṅokʼakʼ porobe porobena. Nonkate raj ar sanam Israelko do Probhu Isorakʼ oṛakʼko uḍhạukeda.

Josuạ 10:2

Onate uni ar uniren hoṛko do botor caṛhaoatʼkoa, ente Gibeon do raj nagraha lekan nagrahage tahẽkana. Noa do Ae nagraha khon hõ maraṅ nagraha tahẽkana ar onaren sanam herel hoṛ do daṛeangeko tahẽkana

1 Rapajko 9:2

Ona tayom Probhu Isor do dosar dhao uni ṭhene ńel ocoyena cetʼleka Gibeonre mitʼ dhaoe ńel ocolen.

Josuạ 18:21

Benjamin gusṭiren judạ judạ bõsrenkoakʼ hạṭińre oka ato ar nagrahako paṛaolen onako do hoyokʼ kana, Bet-Hogla, Emek-Kesis,

1 Samuel 13:9

Onate Sạul do jeredokʼ samaṅokʼakʼ ar sulukren samaṅokʼakʼ reakʼ jinis acʼ ṭhen ạgui lạgitʼe metatʼkoa. Ar acʼge ona jeredokʼ samaṅokʼakʼe samaṅkeda.

1 Rapajko 8:4

Onko ar naekeko do Probhu Isorakʼ sinduk, ńapamokʼ tạmbu ar sanam sonotakʼ bhajanko gokʼ idikeda.

Jirimiạ 28:1

Inạ bochorge, Jihudạren raj Sedekiạwakʼ rajokʼ pạhil secʼ, metakʼme ponakʼ bochor reakʼ mõṛẽakʼ candore Gibeon nagraharen Asur hopon Hananiạ nạbi do Probhu Isorakʼ oṛakʼre naekeko ar sanam hoṛko samaṅre Jirimiạ noa kathae metadea,

2 Bõsbudạ 1:2

Solomon do sanam Israelko, metakʼme hajar lạṛhại phạdkoren ar sae sae lạṛhại phạdkoren subedarko, bikʼcạrko ar Israelren sanam bõsren mukhiyạko jarwa mitʼko lạgitʼe hukumkeda.