1 Rapajko 3:15 - সান্তালী বাইবেল

¹⁵ Inạ tayom Solomon doe ebhenena are bujhạukeda, uni doe kukmũkan tahẽkana. Tayomte Solomon do Jerusalemteye ruạṛ calaoena ar Probhu Isorakʼ goha tạmbu samaṅreye teṅgoyena ar ạḍi utạr janwarkote jeredokʼ samaṅokʼakʼ ar sulukren samaṅokʼakʼe samaṅkeda. Ar ona tayom do acʼren sanam kạmiyạko lạgitʼ mitʼṭecʼe bhojkeda.

1 Rapajko 3:15 Referans Kwoze

Genesis 41:7

Ona copa copa geleko do ona eae goṭecʼ danawanakʼ gelekoe utʼgotʼkada. Ar ona tayom Pharao doe ebhenena. Uni doe bujhạukeda, okaṭakʼe ńelketʼ ona do eken kukmũ kana mente.

1 Rapajko 8:65

Nonkate Solomon ar uni sãoten sanam Israelko do ona jokhecʼ aboren Probhu Isor samaṅre eae din arhõ eae din, jotote gelpon din hạbicʼ mitʼṭecʼko porobena. Onko do lekhare ạḍi saṅgeko tahẽkana; onko do Hamat khon Misor reakʼ rohoṛ gaḍa hạbicʼ sanam ṭoṭha khonko hecʼakan tahẽkana.

Mark 6:21

Mucạtʼre Herodiạ do mitʼṭecʼ ạte ńamkeda. Herod do acʼakʼ janam dinre acʼren napṛakʼ napṛakʼ kạmiyạko, subedarko, ar Gạlil Prodesren mukhiyạko lạgitʼ mitʼṭecʼe bhojkeda.

Daniel 5:1

Beltsasar raj do acʼren hajar napṛakʼ napṛakʼ hoṛko lạgitʼ mitʼṭecʼ maraṅ okocʼe khelodkeda, ar onko hajarko samaṅre darkha rasae ńũkeda.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

Jirimiạ 31:26

Unre iń do ebhenkate beṛhaeteń beṅgetʼ ạcurkeda. Ar jạpitʼ do iń ṭhen mońjge tahẽkana.

2 Bõsbudạ 7:5

Solomon raj do bargel bar hajar ḍaṅgra ar mitʼ lakh bargel hajar bheḍae samaṅketʼkoa. Nonkate raj ar sanam Israelko do Isorakʼ oṛakʼko uḍhạukeda.

1 Rapajko 8:63

Solomon raj do bargel bar hajar ḍaṅgra ar mitʼ lakh bargel hajar bheḍate sulukren samaṅokʼakʼ porobe porobena. Nonkate raj ar sanam Israelko do Probhu Isorakʼ oṛakʼko uḍhạukeda.

Genesis 40:20

Niạ pe din hilokʼre Pharao do acʼ tabereko kạmikan hoṛko lạgitʼ mitʼṭecʼe bhojkeda. Enhilokʼ uni do acʼakʼ janam din tahẽkantaea. Pharao do acʼren darkha rasa dudulicʼ ar piṭhạ bekʼnaokoren sordare oḍokketʼkinte onko samaṅreye ạguketʼkinạ.

Genesis 31:54

Niạ tayom Jakob do ona burure dãṛẽye samaṅkeda ar peṛa-pạrbhạko jom-ńũ lạgitʼe goṛoatʼkoa. Arko jom-ńũketʼ khan ona bururegeko tahẽ aṅgayena.

Genesis 28:16

Ar Jakob do jạpitʼ khon beretʼkateye menkeda, “Probhu Isor do khạṭige noa jaegare menaea menkhan iń do bạń bujhạu daṛeadea.”

1 Rapajko 3:16

Mitʼdin barea kusumbi maejiu do raj ṭhenkin hecʼena.

1 Bõsbudạ 16:3

Ona tayom uni do Israelkoren mimitʼ maejiuko ar herel hoponko mimitʼ goṭecʼkate piṭhạ, ar mitʼ kuṭi jel ar kismiskoe hạṭińatʼkoa.