1 Rapajko 3:14 - সান্তালী বাইবেল

¹⁴ Amren ạpum Dạud leka ińakʼ sanam niạm ar hukumkom manao idi ar ińakʼ hortem taṛam enḍekhan ḍher diniń bahao ocomea.”

1 Rapajko 3:14 Referans Kwoze

Kạhtukko 3:2

onate am do ḍher dinem bahaokʼa ar amakʼ do ḍher bhạlại hoyokʼtama.

Sereńko 91:16

Ar ạḍi diniń bahaoeteń purun ocoyea; ar ińakʼ babańcaoiń ńel ocoyea.”

Sakariạ 3:7

“Phạdkoren Probhu Isor do ame metamkana, ‘am do ińakʼ hortem senlen khan arem sapʼsorạń khan tobe do ińakʼ oṛakʼ reakʼ jotowakʼem ạyura ar ińakʼ khạrại ńel todarot reakʼ bharem ńama, ar okoe nonḍeko teṅgo akan onko leka iń samaṅre hijukʼ reakʼ ạidạriń emama.

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

Kạhtukko 3:16

Uniyakʼ jojom tire do ḍher bahaokʼ din menakʼa ar leṅga tire do dhon ar manot menakʼtaea.

2 Bõsbudạ 34:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana; ar ona hor khon oka secʼge bae ghańjeṛlena.

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

Aposkạmi 13:22

Ona tayom Isor do Sạul ocokʼkate Dạude rajkedea. Uni do Dạud reaṅe menakada, ‘Jisạiren hopon Dạud do ińakʼ mone lekan mitʼṭen hoṛiń ńam akadea. Uni do ińakʼ sanam monejoṅakʼkoe purạutińạ.’

Sereńko 132:12

Amren hoponko ińiń bandhao akatʼ bondobosko manao lekhan ar ińakʼ katha lekako senlen khan one okaṭakʼ iń cetʼako, enḍekhan onkoren hoponko do piṛhike piṛhi amakʼ siṅghạsonreń duṛupʼkoa.”

Sereńko 21:4

Uni do am ṭhen jione koeleda, ar am do onam emadea; ar ḍher din bahaokʼ lạgitʼem danadea.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Dosar Biboron 5:16

‘Amren Probhu Isorakʼ hukum bataotaeme ar amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena ar bhạlại hoyokʼtama.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

2 Bõsbudạ 29:2

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

Dosar Biboron 25:15

Aperen Probhu Isor okaṭakʼ disạme emape lạgidokʼkan onḍe jemon ḍher dinpe bahaokʼ onate ṭhik lekan sosoṅakʼ baṭkhara ar tulạpe dohoya.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

1 Rapajko 11:34

Enhõ Solomonakʼ ti khon goṭa rajosṭi do bạń hataoa. Ińren guti Dạud, okoe doń bachaoan tahẽkan ar okoe do ińakʼ hukum ar niạmkoe bataoetʼ tahẽkan uni lạgitʼge Jerusalem do jion bhor raj hudạń dohoya.

1 Bõsbudạ 28:7

Uni do ńit hoyokʼkan lekage ińakʼ hukumkoe manao enḍekhan uniyakʼ rajosṭi do jaejug hạbicʼ iń dohoya.’

Sereńko 21:5

Amem jitạu ocokedete uniyakʼ manot do ḍheretaea; am do man ar ṭhonokem emakawadea.