1 Rapajko 22:53 - সান্তালী বাইবেল

⁵³ Uni do Bakʼal debotae sewawae kan tahẽkana ar acʼren apatʼ cetʼkoe cekaletʼ tahẽkan uni hõ onkage Israelren Probhu Isorre khĩs ocoyede tahẽkana.

1 Rapajko 22:53 Referans Kwoze

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Jesaea 65:3

Onko hoṛ do ạuṛiyakʼteko ạṛis ocoyediń kana; onko do bagwankore samaṅokʼakʼko samaṅeda ar iṭạkore dhupko jeretʼeda.

Sereńko 106:29

Noa bạṛicʼ kạmiko hotete onko do Probhu Isorko edre ocokedea, onate onkore duk do boloyena.

2 Rapajko 3:2

Uni do Probhu Isorakʼ mẽtʼre oka bạṛicʼakʼ kan onageye kạmikan tahẽkana, tobe acʼren eṅgat ar apat leka do bae tahẽkana. Uniren apattetʼ Bakʼal debota sewawae lạgitʼ okaṭakʼ dhiri khunṭiye teṅgoletʼ tahẽkan ona dhiri khunṭi uni doe rạputʼ giḍiletʼa.

2 Rapajko 1:2

Ahasiạ do Samariạre acʼakʼ oṛakʼ cetan kandha reakʼ jalna khone ńuren iạteye ghạllena. Unre uni do mitʼbar hoṛ kolkate noa kathae roṛgotʼkada, “Ape do Ekronren debota Bakʼal-sebub ṭhen senkate kulijoṅpe, iń do niạ ghạl khoniń boge ruạṛokʼa se baṅa.”

1 Rapajko 21:29

“Ńeleme Ahab do iń samaṅre cetʼ lekae nindhạn akana! Uniye nindhạn akante uniyakʼ jionre niạ muhin do bạń ạguiya, menkhan uniren hoponakʼ jionre ar uniyakʼ bõsko cetanreń paṛao ocoya.”

1 Rapajko 16:7

Hananren hopon Jehu nạbi hotete Basa ar uniyakʼ bõsko upạrte Probhu Isorakʼ katha do sodorlena, ente Jerobiamakʼ bõsrenko leka uni do Probhu Isorakʼ mẽtʼre oka bạṛicʼakʼ kan ona kạmikote Probhu Isore bekusi ocokedea ar Jerobiamakʼ bõskoe marao giḍikada.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

2 Rapajko 8:18

Ahabakʼ bõsren hoṛko lekage uni do Israelren rajkoakʼ horteye calakʼkan tahẽkana, ente uni do Ahabren mitʼṭen hoponerae baplaledea. Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

2 Bõsbudạ 20:35

Tayomte Jihudạren raj Jehosaphat do Israelren raj Ahasia sãoteye mitʼena. Ar Ahasiạ do bedhoromakʼe kạmiyetʼ tahẽkana.