1 Rapajko 22:5 - সান্তালী বাইবেল

⁵ Jehosaphat do niạ katha hõe menkeda, “Pạhilte am do Probhu Isorakʼ solha hataome.”

1 Rapajko 22:5 Referans Kwoze

Jirimiạ 21:2

“Babelren Nebukadnesar raj do abo sãoteye lạṛhại kana; onate abo ńutumte Probhu Isor ṭhen nehõrokʼ me jemon uni do abo ṭhene ruạṛ hijukʼ. Hoedaṛeakʼa Probhu Isor do lahate leka abo lạgitʼ hahaṛawakʼe kạmiya.”

2 Rapajko 3:11

Jehosaphate menkeda, “Nonḍe do cetʼ Probhu Isorren jãhãe nạbi bạnukʼkoa one uni hotete Probhu Isor bon kuli daṛeke?” Israel rajren mitʼṭen gutiye menkeda, “Nonḍe do Saphatren hopon Elisae menaea. Uni do Eliạren sapʼ dapʼicʼe tahẽkana.”

Numeri 27:21

Uni do naeke Eleasar ṭhen senokʼ hoyokʼtaea, ar Eleasar do uni ńutumte Urim ar Thumim reakʼ daṛete Probhu Isorakʼ hukume baḍaejoṅa. Eleasarakʼ hukum lekage uni ar Israelren eṭakʼko do calakʼ hoyokʼtakoa.”

Jeheskel 14:3

“E manwa hopon, noko hoṛ do akoakʼ ontorre boṅga muṭhạnko bạisạu akawante kạire ńurokʼ lekan jinis ako samaṅreko dohoakada. Ona iạte iń ṭhen jãhãnakʼ reakʼko kulijoṅ khan onko do cetʼge bạń roṛ ruạṛakoa.

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

2 Rapajko 1:3

Menkhan Probhu Isorren goḍet do Tisberen Eliại metadea, “Am do senkate Samariạren raje kol akatʼko hoṛko sãote ńapamkatem metakoa, ‘Israelre Isor do cetʼ bạnuiya, onate Ekronren debota Bakʼal-sebub ṭhen kulijoṅpe calakʼ kana?

1 Samuel 23:4

Unre Dạud do arhõ Probhu Isor ṭhene kuliyana ar Probhu Isor do roṛ ruạṛadeteye metadea, “Kayilate Do calakʼme, Philisṭiko do amakʼ tireń soprot akatʼkoa.”

1 Samuel 23:2

Unre Dạud do Probhu Isore kulikedea, “Iń do cetʼ senkate onko Philisṭikoń ńẽtʼkoa?” Probhu Isore roṛ ruạṛadea, “Hẽ, Do calakʼme. Philisṭiko ńẽtʼkate Kayila nagraha rukhiyạime.”

1 Samuel 14:18

Sạul do Ahiyại metadea, “Am do Isorakʼ sinduk ạguiyme.” (Onako dinre sinduk do Israelko ṭhenge tahẽkana.)

Bikʼcạrko 20:29

Unre Israelko do Gibea beṛhaete akoren lạṛhại phạdko oko dohokatʼkoa.

Bikʼcạrko 20:18

Onko do Bethelre senkate Isor ṭhen khon baḍae sanaketʼkoa Benjạminrenko upạrte lạṛhại lạgitʼ onko modre okoe do lahateye rakapʼ calakʼa. Probhu Isor doe baḍae ocoketʼkoa, Jihudạ gusṭirenko sen maṛaṅokʼa.

Bikʼcạrko 1:1

Josuạwakʼ gujukʼ tayom Israelko do Probhu Isorko kulikedea, “Kananrenko sãote lạṛhại lạgitʼ pạhilte do okoeye calakʼtalea?”

Josuạ 9:14

Israelko do eken onkoakʼ jomakʼko ńelkeda menkhan Probhu Isor do bako kuliledea.

1 Rapajko 22:4

Unre uni do Jehosaphate metadea, “Am do cetʼ lạṛhại lạgitʼ iń tulucʼ Ramot-Gileadtem calakʼa?” Jehosaphat do uniye metadea, “Ale ar ape dobon mitʼgea, ińren sadomko do amren hõ kanako.”

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”