1 Rapajko 22:43 - সান্তালী বাইবেল

⁴³ Jehosaphat do jotowakʼrege acʼren apattetʼakʼ hortegeye taṛametʼ tahẽkana, ar tishõ ona hor do bae bạgiyada. Probhu Isorakʼ mẽtʼre oka ṭhikakʼ kan onageye kạmiyetʼ tahẽkana. Menkhan than boṭkocʼko do bae marao utạrleda ar hoṛko do onḍe janwarko dãṛẽyetʼko tahẽkana ar dhup hõko jeretʼetʼ tahẽkana.

1 Rapajko 22:43 Referans Kwoze

1 Rapajko 15:14

Uni do than boṭkocʼko bae marao utạrletʼre hõ jiwetʼ bhor Probhu Isorgeye botoradea.

2 Rapajko 12:3

Menkhan than boṭkocʼko do uni hõ bae marao utạrleda; hoṛko do un hạbicʼ hõ onakore janwarko dãṛẽyetʼko tahẽkana ar dhupkoko jeretʼetʼ tahẽkana.

Kạhtukko 4:27

Jojom ti secʼ se leṅga ti secʼ alom ghańjeṛokʼa; ar bạṛicʼ khon amakʼ jaṅga sahaṛ akae dohoytam.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 101:3

Bạṛicʼakʼ cetʼge ińakʼ mẽtʼ samaṅre bạń dohoya. Bạṛicʼ horteko calakʼ hoṛkoakʼ kạmi doń hirkhạwakʼ kana. Onako do ińre baṅge laṭkaokʼạ.

Sereńko 40:4

Bhạgangeae uni hoṛ do, okoe do Probhu Isor cetanreye bhorsakʼ kan, ar onko secʼ bae ruạṛkan one onko bạḍại ar eṛeyakʼreko tahenkan.

2 Bõsbudạ 15:17

Uni do Israel khon than boṭkocʼko bae marao giḍi utạr daṛeatʼ tahẽkanre hõ uni do jiwetʼ bhor Probhu Isorgeye botoradea.

2 Bõsbudạ 15:8

Asa do niạ katha ańjomkate, metakʼme Obedren hopon Asariạwakʼ nạbi katha ańjomkate dil hecʼadea. Uni do Jihudạ ar Benjạmin reakʼ goṭa ṭoṭha khon ehopʼkate ar acʼe ạidạriyan tahẽkan Ephrayim buru ṭoṭha reakʼ atoko ar nagrahako khon hirkhạwan murhutʼ boṅgakoe marao giḍikatʼkoa. Uni do Probhu Isorakʼ oṛakʼ reakʼ pinḍạ samaṅre dohoakan Probhu Isorakʼ pinḍ do arhõe benao arokeda.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

2 Rapajko 18:22

Menkhan aperen Probhu Isor cetanrepe bhorsakʼ kana mentepe mitạń, enḍekhan uni do cetʼ uni Isor doe baṅkana one uniyakʼ than boṭkocʼko ar pinḍko Hiskiạ doe marao giḍiakatʼtae ar one Jihudạ ar Jerusalemren hoṛkoe metakokan Jerusalem reakʼ pinḍ samaṅrege dewa sewae hoyokʼtakoa mente?

1 Rapajko 15:11

Uniren hapṛam Dạud leka Asa do Probhu Isorakʼ mẽtʼre okaṭakʼ bhageakʼ kan onageye kạmikan tahẽkana.

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

1 Rapajko 14:23

Ona chaḍa onko do ako lạgitʼ mitʼke mitʼ usul burure ar mitʼke mitʼ dare buṭạkore than boṭkocʼko benaokeda ar sonot dhiri ar Asera muṭhạnko benao joṅana.

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

1 Rapajko 3:2

Ar hoṛko do unrehõ than boṭkocʼkore akoren janwarkoko dãṛẽyetʼko tahẽkana, ente un hạbicʼ hõ Probhu Isor dewa sewawae lạgitʼ jãhãn oṛakʼ hõ baṅ benao akan tahẽkana.

1 Rapajko 22:42

Jehosaphat do pegel mõṛẽ bochor umerre raje hoylena ar bargel mõṛẽ bochor hạbicʼ Jerusalemre raje calaokeda. Uniren eṅgat do Silhi hoponera Asubae tahẽkana.

Kạhtukko 13:1

Ạkilan hopon do apatakʼ sikhạunae ańjoma, menkhan landa dhutʼicʼ hoṛ do nisṛạu bae hetawakʼa.