1 Rapajko 22:30 - সান্তালী বাইবেল

³⁰ Ahab do Jehosaphate metadea, “Hoṛko jemon aloko orom daṛeạń onate iń do eṭakʼ sajokʼakʼ iń horoga ariń lạṛhạiya, menkhan am do amakʼ raj sajokʼakʼge horogme.” Ar niạ menkate Israelren raj do eṭakʼ sajokʼakʼ horokʼkate lạṛhại lạgitʼe senena.

1 Rapajko 22:30 Referans Kwoze

2 Bõsbudạ 35:22

Josiạ do bae ruạṛlena, bickom uni sãote lạṛhại lạgitʼ eṭakʼ kicricʼ horokʼkateye sapṛaoena. Isorakʼ hukumte Neko okae metade ona do bae luturatʼte Megido reakʼ bilạn ṭạnḍire uni upạrte lạṛhại lạgitʼe oḍok senena.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

1 Samuel 28:8

Niạ katha ańjomkate Sạul do eṭakʼ lekan kicricʼe horokʼkeda ar acʼakʼ oprome okoketʼte bar hoṛ soṅgekate ńindạ jokhecʼ uni maejiu ṭhene senena. Ar uni maejiue metadea, “Am do boṅga bintikate gocʼ hoṛren jiu tulucʼ helmel dohoyte okoeyiń ńume uni nonḍem rakapʼ ocoyea.”

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

2 Bõsbudạ 18:29

Ahab do Jehosaphate metadea, “Hoṛko jemon aloko orom daṛeạń onate iń do eṭakʼ posak horokʼ kateń lạṛhạiya, menkhan am do amakʼ raj posakge horogme. Ar niạ menkate Israelren raj do eṭakʼ posak horokʼkate lạṛhại lạgitʼe senena.

1 Rapajko 22:10

Israelren raj ar Jihudạren raj Jehosaphat do raj posak horokʼkate Samariạ nagraha reakʼ phaṭok duạr ṭhen guhum saphae khạrạire ạkinakʼ siṅghạsonre kin duṛupʼ akan tahẽkana ar sanam nạbiko do unkin samaṅre tayom daram dinko reakʼko nạbiyetʼ tahẽkana.

1 Rapajko 20:38

Ona tayom uni nạbi do hor aṛere teṅgokate raj lạgitʼe koyokʼ hor akatʼ tahẽkana. Uni do acʼakʼ bohokʼe dạhṛiketʼtaete mẽtʼhãe danaṅketʼtaea ar acʼakʼ bhese bodolkeda.

1 Rapajko 14:2

Unre Jerobiam do acʼren bạhuttetʼe metadea, “Am do nonkan kicricʼkom horokʼ bandea jemon Jerobiamren bạhu kanam mente alom oromokʼ. Ar ona tayom do Silotem calakʼa. Onḍe do Ạhiạ nạbi menaea. Unige ińe metadiń tahẽkana, noko hoṛkoren rajiń hoyokʼa mente.

2 Samuel 14:2

Onate Joab do Tekoate hoṛ kolkate onḍe khon mitʼṭen cạtur maejiue hoho ạgukedea. Uniye metadea, “Am do homor halaṅokʼ reakʼem bhana. Am do hokʼmor halaṅ reakʼ kicricʼ horogme ar hoṛmore sunum alom ojoga. Ar nonkan maejiu lekam udugokʼa am do ḍher din khonem hokʼmor halaṅeda.